Gold Rates : सोन्याचे दर अचानक का पडले?; WGCनं सांगितलं कारण!
नवी दिल्ली; पुढारी ऑनलाईन : गेल्या वर्षी ऑगस्टमध्ये सोने (Gold Rates) विक्रमी स्तरावर म्हणजेच प्रति तोळा सुमारे ५६ हजार रुपयांवर पोहोचले होते. सध्याचा दर गेल्या वर्षीच्या तुलनेत ९ हजारांनी कमी आहे. गेल्या काही दिवसांपासून सोन्याच्या दरात चढ- उतार सुरुच आहे.
सोन्याच्या दरात गेल्या ऑगस्ट महिन्यात मोठी घसरण झाली होती. आशियाई बाजारांत ९ ऑगस्ट रोजीच्या व्यवहारादरम्यान केवळ १५ मिनिटांत सोन्याच्या दरात ४ टक्क्यांनी घसरण झाली होती. यामुळे सोने (Gold Rates) प्रति औंस १,७०० डॉलर पर्यंत खाली आले होते. सोन्याचे दर अचानक कमी होण्याचे कारण वर्ल्ड गोल्ड कौन्सिलने (WGC) आपल्या अहवालातून स्पष्ट केले आहे. (१ औंस म्हणजे २८.३५ ग्रॅम, १ तोळा म्हणजे १० ग्रॅम)
- Gold Price Today : सणासुदीत सोने झाले स्वस्त, चांदी महागली
- Ganesh Chaturthi 2021 : सेलिब्रिटींचे बाप्पासोबतचे फोटो
६ ऑगस्ट रोजीच्या अमेरिकन रोजगाराच्या आकडेवारीवरुन अर्थव्यवस्थेबाबत चांगले संकेत मिळाले होते. यानंतर फेडरल रिझर्व्ह लवकरच आपले मदत पॅकेज मागे घेईल अशी अटकळ बांधण्यात आली होती. याच दरम्यान डॉलरचे मुल्य मजबूत स्थितीत आले होते. यामुळे सोन्याचे दर घसरल्याचे दिसून आले.
सोन्याच्या दरात मोठी घसरण झाल्यानंतर गेल्या ९ ऑगस्ट रोजी आशियाई बाजारांत तब्बल ४ अब्ज डॉलरहून अधिक सोन्याची विक्री झाली होती.
- BRICS : विकसनशील देशांसाठी ‘ब्रिक्स व्यासपीठ’ महत्वाचे : पंतप्रधान मोदी
- माझी तुझी रेशीमगाठ : प्रार्थना-श्रेयस यांची गणेशोत्सव विशेष भागात एन्ट्री
WGC म्हटले आहे की काही तांत्रिक बाबी देखील सोन्याच्या मोठ्या विक्रीचे कारण असू शकतात.
सोने ४७ हजारांवर…
इंडियन बुलियन अँड ज्वेलर्स असोसिएशनच्या माहितीनुसार, काल ९ सप्टेंबर रोजी सोन्याचा प्रति १० ग्रॅम दर ४७,१५९ रुपये होता. तर चांदी प्रति किलो ६४,०६७ रुपये होता.
शुद्ध सोने कसे ओळखाल?
सराफा बाजारात २४ कॅरेट सोने सर्वांत शुद्ध सोने समजले जाते. मात्र दागिने बनविण्यासाठी २२ कॅरेट सोन्याचा वापर केला जातो. त्यात ९१.६६ टक्के सोने असते.
- ससून हॉस्पिटल : नर्सच्या वेशभूषेतील महिलेनं ३ महिन्यांच्या मुलीला पळवलं!
- White House : तालिबान नव्या सरकारच्या मान्यतेस अमेरिकेचा नकार?
दागिन्यांच्या शुद्धतेसाठी हॉलमार्क संबंधित ५ चिन्हे असतात. २४ कॅरेट सोन्यावर ९९९, जर २२ कॅरेट सोन्याचा दागिना असेल तर त्यावर ९१६, २१ कॅरेट दागिन्यावर ८७५ आणि १८ कॅरेट सोन्याच्या दागिन्यावर ७५० असे लिहिलेले असते. जर दागिना १४ कॅरेटचा असेल तर त्यावर ५८५ असे लिहिलेले असते.
हे ही वाचा :
- पाचवी कसोटी थेट रद्दच होणार? दिनेश कार्तिक बोलता बोलता काय म्हणाला..
- महाविकास आघाडी : त्रिपक्षांचे तारू नाराजीच्या खडकाकडे?
- आईन्स्टाईन, हॉकिंगपेक्षाही तीक्ष्ण बुद्धीची ८ वर्षांची मुलगी!