कोरोना संपला असं समजू नका : पीएम मोदी 

नवी दिल्ली; पुढारी ऑनलाईन : पीएम नरेंद्र मोदी यांनी रविवारी ‘मन की बात’ मध्ये मिल्खा सिंग यांची आठवण करुन ऑलिम्पिक खेळाडूंना प्रोत्साहन दिले. यासह, कोरोना विषाणूची जागतिक महामारी संपली आहे हे समजू नये, असा सल्ला देशवासियांना दिला. ते म्हणाले की, हा विषाणू आपला स्वरुप बदलतो, म्हणूनच रोखण्याचा एकमेव मार्ग म्हणजे कोरोना विषाणूशी संबंधित सर्व प्रोटोकॉलचे अनुसरण करणे आणि लसीकरण करणे होय. 

अधिक वाचा : पीएम मोदींच्या विरोधात बोलल्याने योगी सरकारने केले अधिकाऱ्याला निलंबित

‘मन की बात’ च्या ७८ व्या एपिसोडमध्ये लोकांशी आपले विचार सांगताना पंतप्रधानांनी लोकांच्या लसीबाबत असलेल्या आशंका दूर करण्याचा प्रयत्न केला आणि गोंधळात पडू नये आणि अफवांकडे लक्ष देऊ नये असे आवाहन केले. यादरम्यान, त्यांनी स्वत:बद्दल आणि आईबद्दलही सांगितले. ते म्हणाले की, मी दोन्ही डोस घेतले आहेत. माझी आई जवळजवळ १०० वर्षांची आहे. तिनेही दोन्ही डोस देखील घेतले आहेत, त्यामुळे लसींबद्दल कोणत्याही अफवांकडे लक्ष देऊ नका. 

अधिक वाचा : बहिणीच्या बाळंतपणासाठी गेलेल्या मेहुणीवर दाजीचा बलात्कार

पंतप्रधान म्हणाले की मिल्खा सिंग यांच्यासारख्या दिग्गज ॲथलीटला कोण विसरू शकेल? काही दिवसांपूर्वीच कोरोनाने ते आमच्यातून निघून गेले. ते खेळाबद्दल इतके समर्पित आणि उत्कट होते की आजारपणातही मात केली, पण दुर्दैवाने नशिबात काहीतरी वेगळं होतं. ते रुग्णालयात असताना मला त्यांच्याशी बोलण्याची संधी मिळाली. असे करत असताना, मी त्यांना म्हणालो की, १९६४ च्या टोकियो ऑलिम्पिकमध्ये तुम्ही भारताचे प्रतिनिधित्व केले आहे, म्हणून यावेळी आमचे खेळाडू ऑलिम्पिक स्पर्धेसाठी टोकियोला जात आहेत तेव्हा तुम्हाला आमच्या खेळाडूंचे मनोबल वाढवावे लागेल, तुमच्या संदेशासह प्रेरणा द्या. 

अधिक वाचा : आरोग्यमंत्र्यांचा गर्लफ्रेंडसोबत खुल्लमखुल्ला किसींग कार्यक्रम! जनता पेटताच दिला राजीनामा (video)