Nagar : राहुरीत निळवंडेच्या कालव्याच्या पाण्याचा श्रेयवाद

निळवंडेचे पाणी तालुक्यात वाहताना मनस्वी आनंद होत आहे. महायुतीपेक्षा महाविकास आघाडी सरकारने सर्वाधिक निधी दिला. कोवीड काळातही निधीची कमतरता भासू दिली नाही. त्यामुळे निळवंडे कालव्याच्या कामाला मोठी गती मिळाली होती. संगमनेर, राहुरीच्या सिमेवर बोगदा निर्मितीत अनंत अडचणी आल्या. परंतू महाविकास आघाडी सरकारच्या काळात बोगदा तयार होऊन निळवंडेचे पाणी राहुरीत आणण्यात यश मिळाले. आमदारकीच्या माध्यमातून निळवंडे कालव्यासाठी बहुमोल योगदान दिल्याचे सार्थक झाले.

                                                                                                  – प्राजक्त तनपुरे, आमदार. 

राहुरीकरांची निळवंडेच्या पाण्याची प्रतिक्षा संपल्याचा आनंद आहे. पालकमंत्री राधाकृष्ण विखे, खा.डॉ.सुजय विखे व माजी आमदार कर्डिले यांच्यामुळेच राहुरीच्या पश्चिम पट्यातील जिरायत गावांना सुवर्णयोग लाभला. आ. तनपुरे यांनी राज्यमंत्री असताना निळवंडेसाठी काहीच केले नाही. आता तनपुरे पिता पुत्र केवळ फ्लेक्सबाजीच्या माध्यमातून फुकटचे श्रेय लाटण्याचा केविलवाणा प्रयत्न करत आहेत.

                                                                                                         – धनश्री विखे पाटील