Hyderabad : 'नारळाचा बाप्पा' ठरतोय आकर्षण, १७,००० नारळांपासून साकरली गणेश मूर्ती!
पुढारी ऑनलाइन डेस्क : गणेश चतुर्थी उत्सवासाठी गेल्या काही वर्षात इको फ्रेंडली मूर्ती बनवण्याचा मोठा ट्रेंड सेट होत आहे. अनेक ठिकाणी यासाठी वेगवेगळ्या कल्पकता वापरण्यात येतात. वेगवेगळ्या संकल्पना वापरून गणेश मूर्ती साकारण्यात येतात. यामध्ये हैदराबाद येथे एका मंडळाने लोकांसाठी, १७ हजार नारळांचा वापर करून पर्यावरणपूरक गणेशमूर्ती तयार केली आहे. सध्या ही मूर्ती आकर्षणाचा केंद्र बनली आहे.
याबाबत आयोजक कुमार यांनी सांगितले की, गणेश पंडाल विविध थीमने सजलेले आहे. केरळमधील एका कलाकाराने नारळापासून बनवलेल्या गणेश पंडालची सजावट करण्यासाठी हैदराबादपर्यंत प्रवास केला.
कुमार म्हणाले, “नारळापासून बनवलेला गणेश खरोखरच हैदराबादच्या लोकांना आकर्षित करत आहे. मी प्रत्येकाने पीओपी मूर्ती खरेदी करण्यापासून दूर राहावे असे सुचवतो. आपल्या सभोवतालचे वातावरण सुरक्षित राहण्यासाठी आपण सर्वांनी इको-फ्रेंडली मूर्ती खरेदी करणे महत्त्वाचे आहे,” कुमार म्हणाले. .
“लोकांच्या नारळाशी वेगवेगळ्या भावना जोडल्या जातात. नारळाचा वापर अनेक प्रसंगी केला जातो. त्या पार्श्वभूमीवर आम्ही नारळांनी गणेशमूर्ती बनवली. आम्ही १७,००० नारळांचा वापर करून ही गणेशमूर्ती बनवली आणि ती पूर्ण होण्यासाठी ८ दिवस लागले,” असे ते म्हणाले.
Eco-friendly Ganesh idol made using 17,000 coconuts in Hyderabad, attracting people
Read @ANI Story | https://t.co/pt0tPjPq5W#GaneshaChaturthi #Ganesha #ecofriendlyganesh pic.twitter.com/jXiJ2oXzQu
— ANI Digital (@ani_digital) September 2, 2022
लोअर टँक बंड इन हैदराबाद येथील रहिवासी अनूप म्हणाले की, दरवर्षी शहर पर्यावरणपूरक गणेश मूर्तीला प्रोत्साहन देते आणि इतर ठिकाणचे पर्यटक मूर्ती पाहण्यासाठी येथे येतात.
“दरवर्षी, आमच्या शेजारचे ‘मुरली अण्णा’ गणेश मंडळे उभारतात. ते काही काळापासून हे काम करत आहेत. आम्ही यावर्षी पर्यावरणपूरक गणेशमूर्ती तयार केल्या आहेत. आम्ही इथे नेहमीच पर्यावरणपूरक गणेशमूर्ती ठेवतो. हे पाहण्यासाठी शहरातील विविध भागांतील अनेक पाहुणे येथे येतात,” असेही तो म्हणाला.
आणखी एक भक्त राजेश्वर यांनी लोकांना प्लास्टर ऑफ पॅरिसच्या मूर्ती खरेदी न करण्याचा सल्ला दिला आणि ते म्हणाले की पर्यावरणाचे रक्षण करण्यासाठी प्रत्येकाने इको-फ्रेंडली मूर्तींचा वापर करणे महत्त्वाचे आहे.
“आपला देश वाचवायचा असेल तर आपण पर्यावरणपूरक उत्सवात सहभागी व्हायला हवे. मी सर्व लोकांना PoP मूर्ती खरेदी करू नये असे सुचवेन,” असेही तो म्हणाला.