गोवा राज्यात दोन दिवस पावसाची शक्यता
पणजी; पुढारी वृत्तसेवा : हवामान खात्याने शुक्रवार (दि.7) आणि शनिवारी (दि. 8) विजांच्या कडकडाटासह पावसाची शक्यता व्यक्त केली आहे. शुक्रवार दि. 7 रोजी यलो अलर्टही जारी करण्यात आला आहे.
हवामान खात्याने दिलेल्या माहितीनुसार, 6 ते 8 एप्रिल दरम्यान कमाल तापमानात 1 ते 2 अंश सेल्सिअसने वाढ होण्याची शक्यता आहे. मंगळवारी वाळपईमध्ये सर्वाधिक 37.1 अंश कमाल तापमानाची नोंद झाली. काणकोणमध्ये कमाल 34.3, जुने गोवेत 34.5 तर पणजीत 31.5 अंश सेल्सिअस तापमान होते.