केज; पुढारी वृत्तसेवा: जोरदार अतिवृष्टीने केज-अंबाजोगाई रोडवरील डॉ. थोरात यांच्या दवाखान्या जवळील तात्पुरत्या स्वरूपात बांधलेला कच्चा पूल खचला आहे. यामुळे केज- अंबाजोगाई वाहतूक बंद झाली आहे. त्यामुळे रस्त्यावर वाहनांच्या रांगा लागल्या आहेत.
यामुळे अंबाजोगाईकडे जाणाऱ्या वाहनांनी कळंब चौकातून साळेगाव-माळेगाव-युसुफ वडगाव या मार्गे अंबाजोगाईकडे जावे.
तसेच अंबाजोगाईकडून केज, बीड, औरंगाबादकडे जाणाऱ्या वाहनांनी लोखंडी सावरगाव- बोरीसावरगाव- युसुफवडगाव-माळेगाव-साळेगाव-केज या मार्गाने पुढे जावे, असे आवाहन केज पोलीस ठाण्याच्या वतीने सहाय्यक पोलीस निरीक्षक शंकर वाघमोडे यांनी केले आहे.
घटनास्थळी पोलीस उपनिरीक्षक दादासाहेब सिद्धे व त्यांचे सहकारी उपस्थित आहेत. गेल्या दोन-तीन दिवसांत अंबाजोगाई परिसरात पावसाने थैमान घातले आहे. यामुळे काही पुल खचले आहेत.
केज जवळील डॉ. थोरात यांच्या दवाखान्याजवळील पिसेगावहून येणाऱ्या नदीवरील तात्पुरता उभारलेला पूल वाहून गेला असल्याने केज ते अंबाजोगाई वाहतूक बंद आहे.
च रात्री युसुफवडगाव येथील पुलावरून जोरदार पाणी वाहत होते. तसेच सावळेश्वर पैठण येथील पूल खचल्याने कळंब ते अंबाजोगाई ही सुद्धा वाहतूक सेवा बंद झाली आहे.
हेही वाचलंत का?