'माझी मैना' गाण्यात झळकणार अभिनेत्री मोनालिसा बागल
पुढारी ऑनलाईन डेस्क
साईरत्न एंटरटेनमेंटचं ‘माझी मैना’ गाणं प्रेक्षकांच्या भेटीला आलं आहे. “हो तिची दुनिया ही न्यारी तिची स्टाईल पुराणी जशी आहे मनाची राणी… कधी राऊंड राऊंड फिरे साऊंड लाऊड लाऊड करे ति गाते मर्जिची गानी…आली लाली गाली ‘माझी मैना’ आहे निराली…” या दोन-तीन ओळीत मैना कशी आहे हे प्रत्येकाला समजलंय, पण या मैनाला पाहण्यासाठी गेले कित्येक दिवस प्रेक्षक आतुर होते.
अखेर, ती मनाची राणी, जी गाते मर्जिची गाणी अशी निराली मैना एका नव्या गाण्याच्या माध्यमातून प्रेक्षकांपर्यंत पोहचलेली आहे.
सुरेश गाडेकर निर्मित आणि संदेश गाडेकर सहनिर्मित ‘माझी मैना’ हे मराठी गाणं नुकतेच प्रदर्शित झाले आहे. या गाण्यातील मैना आहे अभिनेत्री मोनालिसा बागल. जो मैनेचं प्रेमाने आणि मनापासून कौतुक करतोय तो आहे AJ (Oye Its Prank). या गाण्याच्या निमित्ताने मोनालिसा आणि AJ ही नवीन जोडी पाहायला मिळणार आहे.
मोनालिसाने आतापर्यंत वेगवेगळ्या पठडीतील भूमिका साकारल्या आहेत. या गाण्याच्या निमित्ताने पण ती सोज्वळ, गोड अशा भूमिकेत दिसणार आहे. त्यापेक्षा असं म्हणा की, ती खऱ्या आयुष्यात जशी आहे तशीच या गाण्यात दिसणार आहे.
या गाण्याचे दिग्दर्शन शुभम गोणेकरने केले आहे. संगीत दिग्दर्शनाची जबाबदारी अमोल दाते आणि नितिन कुटे यांनी पेलली आहे. “दिलफेल सारे मागे माझ्या माझ्या दिलाचा तु रं राजा…. ती सोळा वर्षाची कोवळ्या स्पर्शाची चांदन माखून आली” गाण्याच्या या सुंदर ओळी आणि अर्थात संपूर्ण गाणं ऐकायला फार सुरेख वाटतं. त्याचे कारण म्हणजे या गाण्याला लाभलेला आवाज.
गायिका योगिता गोडबोले आणि गायक नितिन कुटे यांनी हे डुएट गाणं गायलं आहे. या गाण्यात शब्दांची सुंदर रचना, कानाला ऐकावेसे वाटतील असे गोड शब्द प्रशांत तिडके आणि नितिन कुटे यांनी मिळून लिहिले आहेत. नागेश नितरुडकर आणि राहुल धांडेकर हे या गाण्याचे डीओपी आहेत. विनित गाडेकर आणि विराज गाडेकर यांनी प्रॉडक्शन हेड म्हणून काम पाहिले आहे.
निराळ्या अशा मैनेच्या प्रेमात पडण्यासाठी आणि तिच्यावर प्रेमाचा वर्षाव करण्यासाठी नक्की ऐका साईरत्न एंटरटेनमेंट या युट्युब चॅनेलवर.
- illegal lending apps : सावधान! देशात ६०० हून अधिक कर्जे देणारी बोगस ॲप्स, महाराष्ट्रातून तक्रारी अधिक
- टाईमपास म्हणून काढलेल्‍या ‘त्‍या’ लॉटरीच्या तिकिटाने रातोरात बनला कोट्यधीश
- कुडाळ : गर्भवती असणाऱ्या अल्पवयीन विवाहितेची आत्महत्या; पतीस अटक
View this post on Instagram