भुदरगड : शेणगाव येथे शॉर्टसर्किटने घराला आग, प्रापंचिक साहित्याचे नुकसान
मिणचे खुर्द – पुढारी वृत्तसेवा – शेणगाव (ता. भुदरगड) येथे मध्यरात्रीच्या सुमारास सुशिला कृष्णा कुंभार यांच्या घराला शॉर्टसर्किटने आग लागून घरासह प्रापंचिक साहित्याचे मोठे नुकसान झाले आहे. कुंभार यांचे या आगीत लाखाचे नुकसान झाले.
संबंधित बातम्या –
- Leopard Attact Nashik | बिबट्याच्या हल्ल्यात वासरू ठार
- OpenAI आणले ChatGPT सारखे AI टूल Sora! बनवणार शब्दांपासून व्हिडिओ, जाणून घ्या काय आहे खास
- मिरजेत बांधकामाची भिंत अंगावर पडून एक ठार; दोघे गंभीर जखमी
शेणगाव येथे कुंभार गल्लीत सुशिला कृष्णा कुंभार राहतात. मुलगा बाहेरगावी असल्याने त्या एकट्या होत्या. जेवण आटोपून त्या नेहमीप्रमाणे संध्याकाळी आठच्या सुमारास शेजारील भावजय यांचे घरी झोपण्यासाठी गेल्या. आज पहाटे तीनच्या सुमारास शॉर्ट सर्किटमुळं घरातील कपड्याला आग लागली. बघता बघता आग सर्वत्र पसरली. आगीमुळे घरातून आगीच्या ज्वाला बाहेर आल्या. लाकडी साहित्य असल्यामुळे आग वाढत गेली. घराचे पत्रे गरम झाल्यावर पत्र्याचा आवाज जोरात येवू लागला. या आवाजाने शेजारी राहत असलेले योगेश कोळी यांनी बाहेर येऊन बघितलं तर घराला आग लागली होती.
गल्लीतील सर्वांना जोरात आवाज देत शेजाऱ्यांना उठवले. अग्निशामक दलाला पाचारण केले. गल्लीतील नागरिकांच्या मदतीने आणि ग्रामपंचायत कर्मचारी संतोष कुंभार यांनी घराच्या नळाला पाणी सोडून मदत केली. त्यामुळे घराची आग आटोक्यात आणण्यात ग्रामस्थांना यश आले. सदर घटनेमध्ये कोणतीही जीवीत हानी झाली नाही. या घटनेमुळे सुशीला कुंभार यांच्या घरातील प्रापंचीक साहित्य, आणि घराचे मोठे नुकसान झाले आहे.