NASA DART Mission : नासाने रचला इतिहास! पृथ्वीला वाचवण्याचं मिशन यशस्वी; पाहा व्हिडिओ

पुढारी ऑनलाईन डेस्क : आज जगासाठी ऐतिहासिक दिवस आहे. (NASA DART Mission) त्याला  खास कारण आहे. नुकतचं काही तासांपुर्वी सकाळी ४ वाजून ४५ वाजता अमेरिकन अंतराळ संस्था नासाने (NASA)  एक इतिहास रचला आहे. आता पृथ्वीला  लघुग्रहापासुन बचाव करता येणार आहे. पृथ्वीच्या दिशेने येणाऱ्या संभाव्य धोका ठरू शकणाऱ्या लघुग्रहांचा मार्ग बदलण्यासाठीची चाचणी आज नासाने केली. लघुग्रहाची दिशा आणि वेग बदलवणारी ही चाचणी  यशस्वीरित्या पुर्ण झाली.

 NASA DART Mission : लघुग्रहांचा धोका टळणार 

आपल्या पृथ्वीला लघुग्रहाच्या धोक्यापासून वाचवण्याच्या अभ्यासाअंतर्गत नासाने डार्ट मिशन (DART Mission-  Double Asteroid Redirection Test ) हाती घेतलं होतं. या मोहिमेअंतर्गत लघुग्रहाला धडक देऊन त्याची दिशा बदलण्याचं काम करण्यात येणार होतं. ही मोहीम आज सकाळी यशस्वीरीत्या पुर्ण झाली आहे. या चाचणीमुळे जर भविष्यात लघुग्रहाच कोणतंही संकट पृथ्वीवर आल्यास त्याचा सामना करता येणार आहे. नासाचा अंतराळातील  हा मोठा प्रयोग होता. अंतराळयान प्रति तास २२ हजार ५०० किमी वेगाने लघुग्रहावर आदळले.

डार्ट मिशन (NASA DART Mission) अंतर्गत अंतराळ यानाने डिमोफोर्स (Dimorphos) या लघुग्रहाला धडकलं. हा लघुग्रह एका मोठ्या लघुग्रहाची परिक्रमा करत होता. अंतराळ यानाची धडक बसल्यावर लघुग्रहाची दिशा आणि गती बदलेल, असा विश्वास शास्त्रज्ञांना होता.  डार्टला धडक देणाऱ्या डिमोफोर्स  लघुग्रहाची लांबी १६९ मीटर होती. अशा अशा प्रकारची चाचणी नासाने पहिल्यांदाच केली आहे. अंतराळात अनेक लघुग्रह आहेत. या लघुग्रहांपासुन  पृथ्वीला धोका होऊ शकतो. या चाचणीमुळे हे संभाव्य धोके आपण टाळू शकतो.

 

View this post on Instagram

 

A post shared by NASA (@nasa)