विलासराव देशमुख जेनेलियाला मानायचे लेक, लग्नाआधी… | पुढारी

विलासराव देशमुख जेनेलियाला मानायचे लेक, लग्नाआधी…

 

Visual Portfolio, Posts & Image Gallery for WordPress

रितेश देशमुख आणि जेनेलिया डिसुजा दोघेही कलाकार. पण, पहिल्या भेटीत इतरांप्रमाणे हे दोघे प्रेमात पडले नव्हते.

त्यांच्या लव्हस्टोरीला कशी सुरुवात झाली आणि रितेशच्या घरच्या मंडळींनी जेनेलियाला सून म्हणून कसं स्वीकारलं, माहिती आहे का?

आज जेनेलियाचा वाढदिवस आहे.

मुख्यमंत्र्यांचा मुलगा म्हणून जेनेलियाने रितेशकडे दुर्लक्ष केले होते.

दिवंगत मुख्यमंत्री विलासराव देशमुख यांचा मुलगा रितेश आणि जेनेलियाने २००३ मध्ये ‘तुझे मेरी कसम’ या चित्रपटात एकत्र काम केले.

याच चित्रपटाच्या सेटवर रितेश आणि जेनेलिया यांची भेट झाली होती.

दोघेही दहा वर्षे रिलेशनशीपमध्ये राहिले. नंतर २०१२ मध्ये दोघांनी लग्न केले.

त्यांना दोन मुले आहेत.रितेश-जेनेलियाने एका मुलाखतीत आपल्या लव्ह स्टोरीविषयी सांगितले होते.

रितेश आणि जेनेलियाची भेट हैदराबाद विमानतळावर झाली होती.

त्यावेळी जेनेलिया १६ वर्षांची होती. शूटिंगवेळी तिच्यासोबत आई होती.

पण, तेव्हा जेनेलियाला वाटलं होतं की, रितेश मुख्यमंत्र्यांचा मुलगा आहे. तर त्याला फारचं अ‍ॅटीट्युड असणार.

पण, जेव्हा ते समोरासमोर आले, तेव्हा आधीच जेनेलियाने अ‍ॅटीट्युड दाखवले.

पण, रितेश जेनेलियाच्या आईसमोर खूप नम्रतेने वागला.

पुढे सेटवरील रितेशते वागणे, स्वभाव पाहून जेनेलियाला त्याच्या चांगुलपणा समजला.

तुझे मेरी कसमचे शूटिंग हैदराबाद येथे संपले. रितेश मुंबईत परतला.

पण, दोघेही एकमेकांना मिस करु लागले. त्यांनी फोनवर बोलणे सुरू केले.

मैत्रीचे रुपांतर प्रेमात झाले. ३ फेब्रुवारी, २०१२ रोजी त्यांनी लग्न करण्याचा निर्णय घेतला आणि ते दोन वेळा विवाहबंधनात अडकले.

असे म्‍हटले जाते की, रितेशचे वडील विलासराव देशमुख यांना त्‍यांचे हे नाते पसंत नव्‍हते. नंतर, त्‍यांनी रितेशला लग्‍नासाठी परवानगी दिली. असं म्हटलं जातं की, पहिल्या चित्रपटानंतर दोघे साखरपुडादेखील करणार होते. परंतु, रितेशचे वडील विलासराव देशमुख यासाठी तयार नव्हते.

जेनेलिया ख्रिश्चन आहे आणि रितेश हिंदू. त्यामुळे दोघांनी हिंदू आणि ख्रिश्चन या दोन्ही पद्धतीने लग्न केले.

जेनेलियाने तिच्या मुलाखतीमध्ये सांगितले होते की, तिच्या लग्नाच्या वेळी तिला करिअर संदर्भात एक मोठा निर्णय घ्यावा लागला होता.

तसं म्हटलं तर जेनेलिया लग्नानंतर फार कोणत्या चित्रपटात दिसली नाही.

मध्यंतरी, जेनेलियाने इन्स्टाग्रामवर विलासराव देशमुख यांच्यासोबतचा एक फोटो पोस्ट केला होता. जेनेलियाने लिहिलं होतं की, डियरेस्ट पप्पा, जेव्हा मी एक सून म्हणून सासरी आले, तेव्हा मनात एक भीती होती की, सासरकडील मला स्वीकारतील की नाही…तुम्ही मला विश्वास दिला की, कुटुंबाचा अर्थ केवळ रक्ताचे नाते नसते.

हे नाते खूप पवित्र आणि आशीर्वादाने भरलेले असते, जे प्रत्येक व्यक्तीला त्याच्या जीवनात हवे असते. मला सहनशीलता, आपली कृतज्ञता, आपल्या सर्वांचे अतूट प्रेमाचा भाग व्हायचे आहे.”

तिने पुढे लिहिलं होतं की, त्यांनी मला एक वडिलांप्रमाणे प्रेम दिलं. माझ्या मागे माझे वडील उभे आहेत, ज्यांनी आपल्या मुलीला उत्कृष्ट कुटुंबात पाठवलं आहे. आपण असे महान व्यक्ती आहात पप्पा…
 

आणखी पहा

Visual Portfolio, Posts & Image Gallery for WordPress
Load More Loading More… You’ve reached the end of the list

 

 

Back to top button