युक्रेनमध्ये अडकलेल्या भारतीय लेकरांच्या सुटकेसाठी मोदी सरकारकडून हवाई दलास पाचारण
नवी दिल्ली; पुढारी ऑनलाईन : युक्रेनमध्ये सलग सहाव्या दिवशी रशियाकडून लष्करी कारवाई सुरुच आहे. युक्रेनची राजधानी कीव्हमध्ये अजूनही अनेक भारतीय विद्यार्थी अडकून पडले आहेत. विद्यार्थ्यांच्या सुटकेसाठी ऑपरेशन गंगा सुरु करण्यात आले, असले तरी अजूनही हजारो युक्रेनसह विविध सीमांवर अडकले आहेत.
रोमानियाच्या सीमेवर भारतीय विद्यार्थ्यांना येण्यास सांगूनही अनेक जणांना मायदेशी परतता आलेलं नाही. कोसळत असलेल्या बर्फाखाली ते जीव मुठीत घेऊन मायभूमीत परतण्याची वाट पाहत आहेत. त्यामुळे ऑपरेशन गंगाला अधिक वेग देण्यासाठी भारतीय हवाई दलाला पाचारण करण्यात आले आहे. सूत्रांनी दिलेल्या माहितीनुसार पंतप्रधान नरेंद्र मोदी यांनी याबाबत आदेश दिले आहेत.
In order to scale up the ongoing evacuation efforts from Ukraine under Operation Ganga, PM Narendra Modi has called for the Indian Air Force to join the evacuation efforts: Sources
— ANI (@ANI) March 1, 2022
आयएएफ युक्रेनला मानवतावादी मदत अधिक कार्यक्षमतेने वितरीत करण्यात मदत करेल, जे रशियन सैन्याने रोखल्याने अन्न, इंधन, वैद्यकीय पुरवठा आणि इतर आवश्यक गोष्टींचा तुटवडा आहे. सहा दिवसांपूर्वी रशियाने हल्ला केलेल्या युक्रेनमधील भारतीय नागरिकांना, बहुतेक विद्यार्थी, यांची सुटका करण्यासाठी सरकारने ऑपरेशन गंगा सुरू केलं आहे. आतापर्यंत, सहा फ्लाइट्समधून 1,396 भारतीय नागरिकांना युक्रेनमधून परत आणण्यात आले आहे.
- Russia-Ukraine War : रॉकेटसह क्षेपणास्‍त्र मार्‍याने युक्रेनमध्ये हाहाकार, रशियन सैन्याने कीव्‍हमधील ६४ किलोमीटर परिसर व्‍यापला
- Third World War : तिसर्‍या महायुद्धाच्या उंबरठ्यावर, युक्रेन-रशिया चर्चा निष्फळ; अण्वस्त्र हल्ल्याचा पुतीन यांचा प्लॅन
SpiceJet will operate a special evacuation flight to Kosice, Slovakia today to bring back Indian nationals stranded in Ukraine. Union Law Minister Kiren Rijiju is travelling to Kosice as a Special Envoy of the Indian Government to oversee the evacuation.
— ANI (@ANI) March 1, 2022
कदाचित याबाबत यापूर्वीच निर्णय झाला असता, तर परिस्थिती वेगळी दिसली असती, पण आक्रोश करणाऱ्या विद्यार्थ्यांचे व्हिडिओ व्हायरल होताच सरकारकडून हालचाली सुरू झाल्या आहेत. हवाई दलाला पाचारण करण्यामागे कमी वेळात अधिकाधिक विद्यार्थ्यांची सूटका व्हावी हा उद्देश आहे. भारतीय हवाई दलाकडून C-17 aircraft तैनात होण्याची शक्यता आहे.
Prime Minister Narendra Modi calls on President Ram Nath Kovind and briefs him on various issues including Ukraine: Sources pic.twitter.com/LC2U2d8Flq
— ANI (@ANI) March 1, 2022
स्पाईस जेटकडून व्हाया स्लोव्हाकिया विमान पाठवून देणार असल्याची माहिती केंद्रीय कायदे मंत्री किरण रिजीजू यांनी दिली. दरम्यान, पंतप्रधान मोदी यांनी विद्यार्थ्यांच्या सूटकेसाठी जी मोहीम राबवण्यात येत आहे त्याबाबत राष्ट्रपती रामनाथ कोविंद यांना माहिती दिली आहे.
हे ही वाचलं का ?
- Russia Ukraine conflict : मानवतेवरील संकट! वॉर्नर ब्रदर्स, डिस्ने, ‘सोनी’ने रशियात चित्रपटांचे प्रदर्शन थांबवले
- Russian soldier’s message : “आई, हे खूपच कठीण आहे. आम्‍ही युक्रेनमधील सर्वसामान्‍य नागरिकांवर हल्‍ले करतोय” : रशियन सैनिकाचा मेसेज ठरला अखेरचा