lemon : चीनमध्ये अचानक वाढली लिंबूची मागणी!
बीजिंग : चीनमध्ये दिवसेंदिवस कोरोना रुग्णांच्या संख्येत मोठ्या प्रमाणात वाढ होत आहे. यामुळेच तेथील आरोग्य व्यवस्था कोलमडून पडण्याची शक्यता आहे. औषधांच्या तुटवड्यासह डॉक्टर्स आणि नर्स यांचाही तुटवडा चीनमध्ये जाणवत आहे; पण दुसरीकडे चीनमधील लोकांनी लिंबू (lemon) आणि संत्रे खरेदी करण्यासाठी एकच गर्दी केली आहे. याचे व्हिडीओही सोशल मीडियावर व्हायरल होत आहेत.
चीनमध्ये कोरोनाचे नवीन ‘बीएफ 7’ या व्हेरिएंटची घातक लाट आल्यानंतर लिंबूच्या (lemon) मागणीत मोठी वाढ झाली आहे. त्यामुळे लिंबू उत्पादक शेतकर्‍यांच्या व्यवसायात अचानक वाढ झाली आहे. लिंबूच्या किमती गगनाला भिडल्या आहेत. चीनमधील लोक कोरोना विषाणूच्या संसर्गापासून बचाव करण्यासाठी नैसर्गिक उपायांचा वापर करत आहेत. कोणत्याही आजाराशी लढण्यासाठी त्या व्यक्तीमध्ये रोगप्रतिकारकशक्ती असणे महत्त्वाचे असते. लिंबू किंवा लिंबू वर्गातील संत्री, मोसंबी अशा फळांमध्ये व्हिटॅमिन सी म्हणजेच ‘क’ जीवनसत्त्व भरपूर प्रमाणात असते आणि ते रोगप्रतिकारकशक्ती वाढवते.
वाढत्या कोरोना संसर्गामुळे प्रतिकारशक्ती वाढवण्यासाठी चीनमध्ये व्हिटॅमिन सी असलेल्या उत्पादनांची मागणी झपाट्याने वाढली आहे. त्यामध्ये लिंबू (lemon) वरच्या स्थानी आहे. चीनमधल्या डिटेन्शन कॅम्पमध्ये औषधांचा तुटवडा असल्याने लोक लिंबू, संत्री मिळवण्यासाठी धडपड करत आहेत. याचा एक व्हिडीओ सध्या सोशल मीडियावर व्हायरल होत आहे. शांघायमधील एका आरोग्य केंद्राचे रूपांतर डिटेन्शन कॅम्पमध्ये करण्यात आले आहे. येथे कोरोना रुग्णांना ठेवण्यात आले आहे. औषधे त्यांच्यापर्यंत पोहोचत नसल्याने ते प्रतिकारकशक्ती वाढवण्यासाठी संत्र्यांवर तुटून पडत आहेत.
हेही वाचा :
- महाविकास आघाडीचे बॉम्ब लवंगी फटाकेही नाहीत : देवेंद्र फडणवीस
- Compact City : वृद्धांसाठी जपान बनवत आहे ‘कॉम्पॅक्ट सिटी’
- 150 कोटींच्या जमिनीचे बेकायदा वाटप; कृषिमंत्री सत्तारांवर कोर्टाचे ताशेरे
- सीमाप्रश्नी आज ठराव; फडणवीस यांची विधानसभेत ग्वाही
- कोल्हापूर : ‘पुढारी शॉपिंग अँड फूड फेस्टिव्हल’चा आज शेवटचा दिवस
- डर्मेटॉलॉजी वेगळी वाट
- Share Market Today | जागतिक सकारात्मक संकेतांमुळे शेअर बाजारात तेजी
- 400 कोटींचा घोटाळा; खडसेंची चौकशी होणार : मंत्री विखे पाटील