‘फतवा’ : प्रतीक गौतम-श्रद्धा भगत नवी जोडी रुपेरी पडद्यावर

fatva movie

पुढारी ऑनलाईन डेस्क : प्रेम… आयुष्यातला हळूवार क्षण… त्याला आणि तिला जोडणारा रेशमी बंध… हा बंध त्यांच्याही नकळत कधी जुळून येतो हे त्यांनाही कळत नाही. नव्याने प्रेमाची चाहूल लागलेल्या प्रेमवीरांची गोष्ट घेऊन 'फतवा' हा संगीतमय प्रेमपट ९ डिसेंबरला प्रेक्षकांच्या भेटीला येतोय. ब्ल्यू लाईन फिल्म्स् प्रस्तुत आणि प्रतिक गौतम दिग्दर्शित या संगीतप्रधान चित्रपटातून प्रतिक गौतम आणि श्रद्धा भगत ही नवी जोडी रुपेरी पडद्यावर येत आहे. यशवंत, प्रेमा निकाळजे, अनुराधा पवार यांनी या चित्रपटाची निर्मीती केली आहे.

Cristiano Ronaldo : "हीच वेळ आहे …" सूचक ट्वीट करत रोनाल्डोचा मँनचेस्टरला अलविदा

नाट्यस्पर्धेत लहानपणापासून आपल्या अभिनयाची चुणूक दाखविणारा अभिनेता प्रतिक गौतम याने आजवर एकांकिका, शॉर्टफिल्म यांचे लेखन, दिग्दर्शन व अभिनेता म्हणून काम केले आहे. श्रद्धा भगत 'फतवा' चित्रपटात मुख्य भूमिकेत दिसणार आहे. या चित्रपटासाठी श्रद्धाची ख़ास अभिनयाची कार्यशाळा घेण्यात आली.

नाशिक : राज्यपाल कोश्यारी यांची हकालपट्टी करा; माकपची मागणी

'फतवा' चित्रपटाचे संगीत विविध शैलींचा अनोखा अनुभव देणारे आहे. वेगवेगळ्या जॉनरच्या सहा सुमधुर गाण्यांचा नजराणा यात आहे. विशेष म्हणजे अराफत मेहमूद यांनी गीत-संगीतबद्ध केलेले 'अली मौला' ही साबरी ब्रदर्स यांनी गायलेली कव्वाली या चित्रपटाचे ख़ास आकर्षण आहे. या नव्या जोडीसोबत छाया कदम, मिलिंद शिंदे, नागेश भोसले, संजय खापरे,अमोल चौधरी, निलेश वैरागर, पूनम कांबळे, निखिल निकाळजे, निकिता संजय हे कलाकार 'फतवा'मध्ये दिसणार आहेत.

हेही वाचा :

नागेश भोसले