Delhi liquor scam: मनीष सिसोदियांनी ईडी, सीबीआय पुढे हात टेकले; जामीन याचिका घेतली मागे
पुढारी ऑनलाईन डेस्क: दिल्लीचे माजी उपमुख्यमंत्री आप नेते मनीष सिसोदियांना दिल्ली मद्य धोरण घोटाळ्याचील मनी लॉड्रिंग प्रकरणात दोषी म्हणून ईडीने अटक केली आहे. दरम्यान त्यांनी दिल्लीच्या राऊस एव्हेन्यू कोर्टाकडे अंतरिम जामीनासाठी अर्ज केला होता. यामध्ये आगामी लोकसभा निवडणूकीत पक्षाचा प्रचार करण्यासाठी जामीन पाहिजे असल्याचे त्यांनी म्हटले होते. कोर्टाने या याचिकेवर निर्णय देण्यापूर्वीच सिसोदिया यांनी आपली प्रचारासाठीची याचिका मागे घेतली आहे. या संदर्भातील वृत्त एएनआयने दिले आहे. (Delhi liquor scam)
नियमित जामीन अर्जावर ३० एप्रिलला सुनावणी
मनीष सिसोदिया यांच्या नियमित जामीन अर्जाला सीबीआयने विरोध केला आहे. त्याला या प्रकरणात मास्टरमाईंड म्हटल्याने त्याला जामीन देऊ नये, असे सीबीआयने न्यायालयात युक्तिवाद करताना म्हटले होते. दरम्यान दिल्ली उत्पादन शुल्क धोरणाशी संबंधित सीबीआय आणि ईडी प्रकरणांमध्ये नियमित जामीन मागणाऱ्या मनीष सिसोदिया यांच्या जामीन अर्जावर राऊस अव्हेन्यू न्यायालयात आज सुनावणी झाली. दरम्यान विशेष न्यायाधीश कावेरी बावेजा यांच्या न्यायालयाने मनीष सिसोदिया यांच्या नियमित जामीन अर्जावरील निर्णय राखून ठेवला आहे. न्यायालय 30 एप्रिल रोजी आदेश सुनावणार आहे. (Delhi liquor scam)
AAP leader Manish Sisodia withdrew the plea seeking interim bail from Delhi’s Rouse Avenue Court. He sought interim bail for the election campaign.
CBI has opposed the regular bail application of Manish Sisodia. CBI said that he should not be granted bail as he was termed…
— ANI (@ANI) April 20, 2024
हेही वाचा:
- Manish Sisodia: सिसोदीयाच मद्य धोरणाचे मुख्य आर्किटेक्ट; CBI चा युक्तिवाद, जामीन अर्जावरील सुनावणी पुन्हा पुढे ढकलली
- Manish sisodia interim bail: लोकसभा निवडणुकांसाठी सिसोदियांची जामीनासाठी न्यायालयात धाव
- Manish Sisodia News: ‘लवकरच बाहेर भेटू, लव यू ऑल !’; मनीष सिसोदियांचे तुरूंगातून समर्थकांना पत्र