पीएम मोदींनी आता राजीव गांधी खेल रत्न पुरस्काराच नाव बदललं!
नवी दिल्ली; पुढारी ऑनलाईन : क्रीडा क्षेत्रातील सर्वोच्च समजला जाणारा राजीव गांधी खेल रत्न पुरस्कार आता मेजर ध्यानचंद खेल रत्न पुरस्कार या नावाने ओळखला जाईल, अशी घोषणा पंतप्रधान नरेंद्र मोदी यांनी ट्विट करत केली आहे. राजीव गांधी खेल रत्न पुरस्काराचे नाव मेजर ध्यानचंद खेल रत्न पुरस्कार करण्याबाबत देशातील नागरिकांकडून अनेक सूचना आल्या होत्या. लोकांच्या भावनांचा आदर ठेवून खेल रत्न पुरस्कार आता मेजर ध्यानचंद खेल रत्न पुरस्कार या नावाने ओळखला जाईल, असे पंतप्रधान मोदी यांनी म्हटले आहे.
पंतप्रधान मोदी यांनी ट्विटमध्ये म्हटले आहे की, ऑलिम्पिकमध्ये भारतीय महिला आणि पुरुष हॉकी संघाने अपवादात्मक कामगिरी केली. हॉकीमध्ये आमच्या खेळाडूंनी जी इच्छाशक्ती दाखवली. ती भविष्यासाठी आणि येणाऱ्या पिढीसाठी प्रेरणादायी आहे.
- रिलायन्स-फ्यूचर समुहाला झटका, सुप्रीम कोर्टाने अमेझॉनच्या बाजूने दिला निकाल
- hockey india ; भारताच्या महिला हाॅकी संघाचं कांस्यपदक हुकलं, ग्रेट ब्रिटनकडून पराभव
मेजर ध्यानचंद हे भारतातील अग्रगण्य खेळाडूंपैकी होते. त्यांनी भारताला सन्मान आणि अभिमान मिळवून दिला. त्यासाठी आपल्या राष्ट्राचा सर्वोच्च क्रीडा सन्मान त्याच्या नावावरुन ठेवणे योग्य आहे, असे मोदी यांनी पुढे ट्विटमध्ये म्हटले आहे.
टोकियो ऑलिम्पिकमध्ये भारतीय पुरुष हॉकी संघाने जर्मनीला ५-४ ने पराभूत करत कांस्यपदक पटकावलं. हॉकी संघाच्या कामगिरीचे देशभरातून कौतुक होत आहे. पंतप्रधान नरेंद्र मोदी यांनीही भारताच्या पुरुष हॉकी संघाचे कौतुक केलं. पुरुष हॉकी संघाचा कॅप्टन मनप्रीत सिंह याला पंतप्रधान मोदींनी फोन करुन अभिनंदन केले. या संभाषणाचा व्हिडिओ सोशल मीडियावर मोठ्या प्रमाणात व्हायरल झाला होता.
- डीएनए ३२ हजार वर्षांपूर्वीच्या अस्वलाच्या कवटीतून मिळवले
- SBI FD : आता घरात बसून ऑनलाईन उघडा SBI चे FD अकाऊंट !
‘महिला हॉकी संघाची शानदार कामगिरी सदैव स्मरणात राहील’
ऑलिम्पिकच्या महिला हॉकीमध्ये आपले पदक थोडक्यात हुकले. मात्र या संघात नव भारताचे चैतन्य प्रतिबिंबित होत आहे. जिथे आपण आपली सर्वोत्तम कामगिरी करत नवी उंची गाठतो, असे पंतप्रधान नरेंद्र मोदी यांनी म्हटले आहे.
टोकियो ऑलिम्पिकमधली आपल्या महिला हॉकी संघाची शानदार कामगिरी आपल्या सदैव स्मरणात राहील, असे पंतप्रधानांनी म्हटले आहे.
- tokyo olympics 2020 wrestling : झुंझार रविकुमार दहियाला रौप्य पदक!
- वाईच्या नगराध्यक्षा अपात्र; लाच प्रकरण भोवले : भाजपला धक्का
‘ऑलिम्पिकमधली आपल्या महिला हॉकी संघाची शानदार कामगिरी आपल्या सदैव स्मरणात राहील. त्यांनी त्यांची सर्वोत्तम कामगिरी केली. संघातल्या प्रत्येक खेळाडूने साहस, कौशल्य आणि चिकाटीचे दर्शन घडवले. उत्तम कामगिरी करणाऱ्या या असामान्य संघाचा भारताला अभिमान आहे,’ असे पंतप्रधानांनी ट्विटमध्ये म्हटले आहे.
हे ही वाचा :
- खमंग गुलाबजाम भारतात आला कुठून?
- ‘पुढारी’ एज्युदिशा ऑनलाईन : नामवंत शैक्षणिक संस्थांच्या माहितीसह तज्ज्ञांचे मार्गदर्शन
- पतसंस्थांच्या ठेवी, कर्जावरील व्याज दरात एक टक्क्यांनी कपात
देश को गर्वित कर देने वाले पलों के बीच अनेक देशवासियों का ये आग्रह भी सामने आया है कि खेल रत्न पुरस्कार का नाम मेजर ध्यानचंद जी को समर्पित किया जाए। लोगों की भावनाओं को देखते हुए, इसका नाम अब मेजर ध्यानचंद खेल रत्न पुरस्कार किया जा रहा है।
जय हिंद!
— Narendra Modi (@narendramodi) August 6, 2021
The exceptional performance of the Men’s and Women’s Hockey Team has captured the imagination of our entire nation. There is a renewed interest towards Hockey that is emerging across the length and breadth of India. This is a very positive sign for the coming times. pic.twitter.com/E7HT3Gd7h5
— Narendra Modi (@narendramodi) August 6, 2021