अजित पवार यांचा सांगली दौरा : भिलवडी पूरग्रस्त भागाला भेट

सांगली; पुढारी वृत्तसेवा : उपमुख्यमंत्री अजित पवार यांनी सांगली येथील भिलवडी पूरग्रस्त भागाला भेट दिली. अजित पवार यांनी भिलवडी (ता. पलूस, जि. सांगली) येथील पुरग्रस्त भागाची पाहणी केल्यानंतर निवारा केंद्राला भेट दिली.

अधिक वाचा – 

• कर्नाटकचे मुख्यमंत्री येडियुराप्पा यांच्याकडून राजीनाम्याची घोषणा
• कारगिल विजय दिवस : पंतप्रधानांसह मान्यवरांची शहिदांना आदरांजली

उपमुख्यमंत्री पवार यांनी पुरग्रस्तांशी संवाद साधला. त्यांच्या समस्या, अडचणी जाणून घेतल्या.

अधिक वाचा- 

• शिरोळ तालुक्याला दिलासा, उदगांवला कृष्णेचे पाणी १ फुटाने उतरले
• कोल्हापूर : पूरग्रस्त लोकांना बोटींमार्फत जीवनावश्यक वस्तूंचा पुरवठा

पूरग्रस्तांच्या राहण्याची, जेवण्याची सोय कशी आहे? याची माहिती घेतली. भिलवडी परिसरातील ज्या भागातील घरांना आणि रहिवाशांना वारंवार पुराचा फटका बसतो, अशा घरांचा सर्व्हे करा.

अधिक वाचा – 

• निपाणी जवळ महामार्ग मोकळा; कोगनोळीपासून बंगळूरकडे वाहतूक सुरू
• कोल्‍हापूर महापूर : पुणे महापालिकेचे १७ टँकर कोल्‍हापूरमध्‍ये दाखल

वारंवार पुराचा फटका बसणाऱ्या घरांचे उंचावरील जागेवर पुनर्वसन करावे. यासाठी जागेची उपलब्धता तातडीने तपासा. अशा सूचना अजित पवार यांनी प्रशासकीय अधिकाऱ्यांना दिल्या.

पुनर्वसन आणि मदतीसाठी आश्वासन

भिलवडी गावातील पूरग्रस्तांच्या व्यथा अजित पवारांनी ऐकल्या. नंतर त्यांच्या पुनर्वसन आणि मदतीसाठी चांगला मार्ग काढण्याचे आश्वासन दिले.

संकटाच्या काळात राज्य सरकार प्रत्येक नागरिकाच्या पाठीशी ठामपणे उभे असल्याची ग्वाही त्यांनी दिली.

भिलवडी बाजारपेठेची त्यांनी बोटीतून पाहणी केली.

भिलवडी येथील बाजारपेठ पूर्णपणे पाण्याखाली आहे. यावेळी जलसंपदा मंत्री जयंत पाटील, मदत व पुनर्वसन मंत्री विजय वडेट्टीवार, कृषी राज्यमंत्री विश्वजीत कदम उपस्थित होते.

जयंत पाटील, विजय वडेट्टीवार, विश्वजीत कदम यांच्यासह लोकप्रतिनिधींनी भिलवडी परिसरातील पूरग्रस्त भागाला भेट दिली.

स्थलांतरितांच्या निवारा केंद्रांना भेटी दिल्या. पूरग्रस्तांशी संवाद साधला व परिसराची पाहणी केली.

अधिक वाचा – 

• निशिगंधा वाड साकारणार 'जय भवानी जय शिवाजी'मध्ये जिजामाता
• उपमहापौर कुलभूषण पाटील यांच्यावर गोळीबार, परिसरात खळबळ
• पुणे- बंगळूर महामार्ग चौथ्या दिवशी वाहतुकीसाठी खुला 

 पाहा व्हिडिओ – अपघातग्रस्तांची जीवन रक्षक १०८ अम्ब्युलन्स