पुणे : सिंहगड ई-बससेवेला तात्पुरती स्थगिती

By:Amruta Chougule Published on: May 16, 2022, 6:16 PM

पुणे : पुढारी वृत्तसेवा

सिंहगडावरील अरुंद रस्ता, त्यामुळे बसच्या अपघातांचा होणारा संभाव्य धोका लक्षात घेत, पीएमपी प्रशासनाने सिंहगडावरील ई-बससेवा तात्पुरती स्थगित केली आहे.

मान्सून अंदमानात दाखल, केरळमध्ये पोहोचण्यासाठी अनुकूल वातावरण

सिंहगडावरील पर्यावरण संवर्धन आणि वाहतूक कोंडी कमी करण्यासाठी वनविभाग आणि पीएमपी प्रशासन यांच्याकडून सिंहगडावर ई-बस सेवा सुरू करण्यात आली होती. मात्र, या सेवेला स्थानिकांचा प्रचंड विरोध होता. तसेच, दोन दिवसांपूर्वीच सिंहगडाच्या तीव्र उतारावरून वळण घेताना एक मोठा अपघात होता होता वाचला. त्यामुळे पीएमपी प्रशासनाने येथील ई बस सेवा काही कालावधीसाठी बंद करण्याचा निर्णय घेतला आहे.

काँग्रेस आगामी मनपा निवडणुकीत राबविणार एक परिवार, एक तिकीट धाेरण : नाना पटोले

सिंहगडावरील अरुंद रस्त्यामुळे अपघात होण्याची शक्यता आहे. त्यामुळे येथील रस्ता रुंदीकरण झाल्यानंतर येथे पुन्हा ई बससेवा सुरू करण्यात येईल. सिंहगड घाट रस्ता रुंदीकरण संदर्भात पीडब्ल्यूडी सोबत लवकरच आम्ही बैठक घेणार आहोत.

– लक्ष्मीनारायण मिश्रा, अध्यक्ष व व्यवस्थापकीय संचालक, पीएमपीएमएल