belgaon crime : उधारीवर पान न दिल्याने बेळगावात एकाचा निर्घृण खून
बेळगाव ; पुढारी वृत्तसेवा : मंगळवारी रात्री अकराच्या सुमारास वडगाव येथे खून झाल्याची घटना उघडकीस आली आहे. बाळकृष्ण नागेश शेट्टी (वय 50, मूळ रा. कुंदापूर जि. उडपी, सध्या रा. लक्ष्मीनगर तिसरा क्रॉस, वडगाव) (belgaon crime) असे मृताचे नाव आहे. पानपट्टीतील पान व अन्य साहित्य उधार दिले नसल्याचा रागातून चाकूने सपासप वार करत एकाने हा खून केला. (Murder of a person in Belgaum due to trivial reasons)
या प्रकरणी दत्तात्रय उर्फ दत्ता शिवानंद जंतीकट्टी (रा. भारतनगर दुसरा क्रॉस, शहापूर) याच्यावर गुन्हा दाखल झाला आहे.
- शंभर वर्षांनंतरही ‘राधानगरी’च्या स्वयंचलित दरवाजांचे तंत्रज्ञान अचंबित करणारे
- UP Election : योगींच्या ‘अब्बा जान’ या वक्तव्यावर विरोधकांची सडकून टीका
दत्तात्रय हा बाळकृष्ण यांच्या पानपट्टीत पान व अन्य साहित्य खरेदीसाठी जात असे. मंगळवारी रात्रीही तो नेहमीप्रमाणे पानपट्टीवर जाऊन उधारी मागू लागला. (belgaon crime)
- दारु विकणाऱ्या काऱ्या डोमऱ्यांना गर्लफ्रेंड, परंतु मला एकही मुलगी पटत नाही! थेट आमदाराला ‘लेटर’
- चंद्रकांत पाटील म्हणतात; परप्रांतियच गुन्हे करतात का? महाराष्ट्रीय लोक गुन्हे करत नाहीत का?
यावेळी बाळकृष्ण यांनी आधीची उधारी चुकती कर, तोपर्यंत उधार देणार नाही, अशी भूमिका घेतली. त्यामुळे चिडलेल्या दत्तात्रयने स्वतः जवळ असलेल्या चाकूने बाळकृष्ण यांच्या छाती, पोट व चेहऱ्यावर चाकूने सपासप वार केले.
यामध्ये गंभीर जखमी झालेल्या बाळकृष्ण यांचा उपचारापूर्वीच मृत्यू झाला. बुधवारी मध्यरात्री या घटनेची शहापूर पोलिसात नोंद झाली आहे.
पोलीस निरीक्षक विनायक बडीगेर यांच्याकडून तपास सुरू आहे.