छत्रपती शिवाजी महाराजांच्या चित्रपटाची अशी अवस्था तर..., अक्षय वाघमारेची पोस्ट चर्चेत
पुढारी ऑनलाईन डेस्क : प्रसिद्ध दिग्दर्शक दिग्पाल लांजेकर दिग्दर्शित, अभिनेता चिन्मय मांडलेकरचा प्रमुख भूमिका असलेला, छत्रपती शिवाजी महाराजांवरील चित्रपट शेर शिवराज हा नुकताच प्रदर्शित झाला. प्रेक्षकांनी या चित्रपटाला भरभरुन प्रतिसाद मिळत आहेत. पण या चित्रपटाला प्राइम टाइम (Prime time) मिळत नसल्याने मराठी अभिनेता अक्षय वाघमारेने आपल्या इन्स्टाग्रामवर एक पोस्ट शेअर करत टीका केली आहे. या चित्रपटात त्याने प्रमुख नरवीर पिलाजीराव गोळे यांची भूमिका साकारली आहे.
Prime time मराठी जनतेने प्रतिसाद दिला, पण…
अक्षयने आपल्या पोस्टमध्ये लिहले आहे की, “नमस्कार पोस्ट मोठी आहे पण, अत्यंत महत्वाची आहे. मराठी चित्रपट आणि प्राइम टाइम असं टायटल दिलं आहे. पुढे लिहलं आहे की, मुळात महाराष्ट्रात राहून आपल्या मातृभाषेच्या चित्रपटासाठी झगडावे लागत आहे. यासारखे दुसरे दुर्दैव नाही. याविषयी यापूर्वी देखील अनेकदा या विषयी बोलले गेले आहे. पण पुढे काहीच साध्य झाले नाही. महाराष्ट्राचे आराध्य दैवत छत्रपती शिवाजी महाराजांच्या कर्तृत्वाची महती सांगणारा ऐतिहासिक चित्रपट शेर शिवराज हा गेल्या आठवड्यात प्रसिद्ध झाला. फर्जंद, फत्तेशिकस्त, पावनखिंड आणि आता शेर शिवराज असे ऐतिहासिक चित्रपट बनवण्यामागे दिग्दर्शक दिगपाल लांजेकर यांचा एकच उद्देश होता की, महाराजांचा इतिहास सर्व लोकांपर्यंत पोहचायला हवा. नवीन पिढीला स्वराज्य घडवणाऱ्या छत्रपती शिवाजी महाराजांचा इतिहास कळावा, स्वराज्याची स्थापना ते परकीयांचे आक्रमण आणि अनेक बाबी या चित्रपटांद्वारे मांडल्या गेल्या आहेत आणि मराठी जनतेने उत्स्फुर्तपणे या सर्व चित्रपटांना प्रतिसाद दिला.
Prime time हिंदी चित्रपटांना प्राधान्य
प्राइम टाइम आमच्या हक्काचे नाही कुणाच्या बापाचे…
View this post on Instagram