नाशिक : गॅस एजन्सीच्या तब्बल 39 गॅस टाक्यांची चोरी

सिन्नर : पुढारी वृत्तसेवा
येथील शहा ट्रेडर्सच्या ट्रकमधून अज्ञाताने 1 लाख 28 हजार रुपये किमतीच्या 39 गॅस टाक्यांची चोरी केली. या प्रकरणी कर्मचारी संतोष कदम यांनी सिन्नर पोलिस ठाण्यात अज्ञात चोरट्याच्या विरोधात चोरीची तक्रार दिली आहे. कमलनगर येथील शहा ट्रेडर्सच्या ट्रकमध्ये ठेवलेल्या हिंदुस्थान पेट्रोलियम कंपनीच्या 14 किलो वजनाच्या 39 गॅस टाक्या अज्ञात चोरट्याने चोरून नेल्या. या प्रकरणी पोलिसांनी अज्ञात चोरट्याच्या विरोधात चोरीचा गुन्हा दाखल केला आहे. या प्रकरणी पोलिस निरीक्षक संतोष मुटकुळे यांच्या मार्गदर्शनाखाली पोलिस हवालदार मोरे पुढील तपास करीत आहेत.

हेही वाचा:

• Uttarakhand avalanche Updates : हिमस्खलनात अडकलेल्या १५ गिर्यारोहकांची सुटका, २७ अजूनही बेपत्ता
• प्रेक्षकांसाठी गुड न्युज : आता लवकरच मल्टिप्लेक्स चित्रपटाचे तिकीट मिळणार १०० रुपयांत
• नाशिक : शेकडो वर्षांच्या परंपरेनुसार त्र्यंबकला यंदाही रंगला पालखी सीमोल्लंघन सोहळा