Pritam Kagne :ऍथलिट रनरच्‍या भूमिकेसाठी प्रीतमने घटवले ६ किलो वजन

मुंबई; पुढारी ऑनलाईन: अभिनेत्री प्रीतम कागणे ( Pritam Kagne ) 'विजेता' चित्रपटातून चाहत्याच्या भेटीस येण्यास सज्ज झाली आहे. प्रीतम कागणे ( Pritam Kagne ) या चित्रपटात सुनंदा गुजर नामक ऍथलिट रनरची भूमिका साकारत आहे. विशेष म्हणजे प्रीतमने या भूमिकेसाठी ६ किलो वजन कमी केलं आहे.

सांगली जवळील वठार गावात सुनंदा लहानाची मोठी झालेली आहे. लहानपणापासून नॅशनल लेव्हलपर्यंत पोहोचण्याचे स्वप्न उराशी बाळगून तिने पुढचा पल्ला गाठला. गावखेड्यात हव्या त्या सोयी उपलब्ध नसल्याने आपले स्वप्न कसे पूर्ण होईल यासाठी ती सतत झटत राहते. मात्र, या प्रवासादरम्यान तिला साथ मिळाली ती माईंड कोचची. या चित्रपटात माईंड कोचच्या भूमिकेत सुबोध भावे दिसणार आहेत.

बीअर शॉपीचालकांच्या तोंडाला 'फेस'

माईंड कोचने सुनंदाला नॅशनल लेव्हलचे धडे देऊन ते स्पर्धेसाठी तयार करतात. एक मॅरेथॉन रनर घडविण्यासाठी तब्बल आठ वर्षाचा कालावधी लागतो. मात्र, प्रीतमला हा आठ वर्षाचा कालावधी अवघ्या दोन महिन्यात ट्रेनिंग घेऊन पूर्ण केला. दररोज तीन तास नॅशनल ऍथलिट यांच्याकडून ट्रेनिंग घेऊन तो सराव तिने जिद्दीने पूर्ण केला. दररोज १८ किमी धावून विविध खेळांचा सराव केला. याच दरम्यान तिने योग्य तो आहार घेऊन ६ किलो वजन कमी केले आहे.

या चित्रपटात प्रीतमसोबत अभिनेत्री पूजा सावंतदेखील दिसणार आहे. याबाबत बोलताना प्रीतम म्हणाली की, 'मी विजेता चित्रपटासाठी ६ किलो वजन कमी केले. या चित्रपटात मी साकारत असलेल्या रनर ऍथलिटच्या भूमिकेसाठी केलेल्या मेहनतीचे चीज झाले. मी केलेली मेहनत या चित्रपटातून नक्कीच तुम्हाला पाहायला मिळेल. या चित्रपटात मैत्रीच्या आधारासह बरेच काही अनुभवता येणार आहे.'

बिपीन रावत यांची त्यांच्या मूळ गावी घर बांधण्याची इच्छा राहिली अपुरी!

प्रीतमच्या अभिनयाची वाटचाल ही दाक्षिणात्य चित्रपटातून झाली आहे. 'मिस्टर बिन' या मल्याळम चित्रपटात मुख्य भूमिका साकारून चाहत्याच्या मनात एक वेगळेच स्थान निर्माण केले. त्यानंतर तिने मराठी चित्रपटसृष्टीकडे आपला मोर्चा वळविला. 'नवरा माझा भोवरा', 'हलाल', 'अहिल्या' यासारख्या चित्रपटात मुख्य भूमिका साकारली.

Zindagani : छगन भुजबळ यांच्या हस्ते 'जिंदगानी' च्या पोस्टरचे अनावरण

याशिवाय सोहा अली खानसोबतच्या '३१ ऑक्टोबर' या चित्रपटातून तिने हिंदी चित्रपटसृष्टीत पाऊल ठेवले. बेस्ट डेब्यू म्हणून 'संस्कृती कालादर्पण अॅवॉर्ड', बेस्ट प्रॉमिसिंग अॅक्ट्रेस म्हणून 'दादासाहेब फाळके अॅवॉर्ड', बेस्ट अॅक्ट्रेस म्हणून 'झी टॉकीज कॉमेडी अवॉर्ड' आणि 'सह्याद्री सिने अवॉर्ड' पटकावत अभिनय क्षेत्रात कौतुकाची थाप मिळविली आहे.