ठिपक्यांची रांगोळी मालिकेत अपूर्वा-शशांक यांचा शुभविवाह (Photos)

पुढारी ऑनलाईन

स्टार प्रवाहवरील 'ठिपक्यांची रांगोळी' मालिकेत सुरु आहे शशांक-अपूर्वा यांच्या लग्नाची धामधूम. कानेटकर आणि वर्तक कुटुंबाने लग्नाची जय्यत तयारी केली असून या लग्नसोहळ्यात स्टार प्रवाहचा संपूर्ण परिवार उपस्थित रहाणार आहे. शशांक-अपूर्वा यांच्या लग्नसोहळ्याचे फोटो समोर आले आहेत.

BB15 : सलमान म्हणाला, 'हा तुमचा बेवडा जावई'; पण, तेजस्वीच्या आईची करणलाच पसंती

लग्नसोहळा म्हटलं की, आपल्या परिवाराशिवाय तो पूर्णच होत नाही. त्यामुळेच या खास सोहळ्यात स्टार प्रवाहचा संपूर्ण परिवार उपस्थित होता. केळवण, मेहेंदी आणि हळद थाटात पार पडल्यानंतर आता लग्नाचा शाही थाट अनुभवण्यासाठी सगळेच उत्सुक आहेत. नुकताच या मालिकेने १०० भागांचा टप्पाही पूर्ण केला आहे.

No More Shaming : वय आणि बॉडी शेमिंगवरून ट्रोल झाल्या 'या' अभिनेत्री

जिलेबीसारखा गोडवा जपणारा शशांक आणि लवंगी मिरची प्रमाणे ठसक्याला आणि चवीला कमी नसणारी अपूर्वा. दोघांचे स्वभाव परस्परविरोधी असले तरी दोघांना एकत्र जोडून ठेवणारा दुवा म्हणजे कुटुंबावरचं प्रेम. याच कुटुंबावरच्या प्रेमाने दोघांना एकत्र यायला भाग पाडलं आहे.

'गाव आलं गोत्यात १५ लाख खात्यात' चित्रपट ४ फेब्रुवारीला रिलीज होणार

लग्न म्हणजे दोन मनांचं नाही तर दोन कुटुंबांचं मिलन असतं. एकत्र कुटुंब पद्धतीचं महत्व अधोरेखित करणाऱ्या ठिपक्यांची रांगोळी या मालिकेतला हा विवाहसोहळा फक्त वर्तक आणि कानेटकर परिवारच नाही तर संपूर्ण प्रवाह परिवार साजरा करणारा आहे. पाहा, ठिपक्यांची रांगोळी रात्री १० वाजता स्टार प्रवाहवर.