अभिनेत्री मयूरी वाघ एकवीरा आईच्या भूमिकेत
पुढारी ऑनलाईन डेस्क : नेहमी वेगवेगळ्या भूमिकांमधून प्रेक्षकांचे मनोरंजन करणारी मयूरी वाघ आता पुन्हा एका नवीन भूमिकेतून प्रेक्षकांचा भेटीला येत आहे. या वेळी मयूरी वाघ एक वेगळी व्यतिरेखा साकारत आहे. ती म्हणजे एकवीरा आईची व्यक्तिरेखा! नेहमी भक्तांच्या पाठीशी असणारी आई एकवीरा, भक्तांना त्यांचा संकटातून कशी तारून नेईल, हे पाहणं उत्सुकतेचं असेल. ‘आशीर्वाद तुझा एकवीरा आई’ हे या नव्या मालिकेचे नाव आहे. सोनी मराठी वाहिनी ही मालिका प्रेक्षकांसाठी घेऊन येत आहे. या मालिकेचा पहिला प्रोमो प्रेक्षकांचा भेटीला आला आहे. त्यात एकवीरा आईच्या वेषातील मयूरी वाघ प्रेक्षकांना पाहायला मिळते आहे.
सोनी मराठी विविध कार्यक्रमांमधून प्रेक्षकांचे मनोरंजन करते. त्यामध्ये आता अजून एका मालिकेची भर आपल्याला पाहायला मिळणार आहे. मयूरी वाघ आई एकवीराची भूमिका कशा प्रकारे निभावते, हे पाहणे उत्सुकतेचे ठरणार आहे. मयूरी व्यतिरिक्त या मालिकेत अमृता पवारही छोट्या पडद्यावर परत दिसणार आहे. संकटातून भक्तांना तारण्यासाठी येते आहे एकवीरा आई!
- १ नोव्हेंबरपासून रेल्वेतील सर्व कामे पेपरलेस; छोटी स्थानकेही डिजिटल करण्याचे बोर्डाचे आदेश
- Zombie Angelina Jolie : इराणच्या ‘झोम्बी’ अँजेलिना जोलीची तुरूंगातून सुटका; समोर आला तिचा खरा चेहरा
- Anushka Sharma : उफ्फ🥵💘; अनुष्काच्या पोपटी लेंहग्यावर खिळल्या नजरा, विराट म्हणाला…