सांगली : मोटारीच्या दोरीवरुन भांडण, बापाने केला मुलाचा दगडाने ठेचून खून

Published on:

26 Dec 2021, 3:28 am

Updated on:

26 Dec 2021, 3:32 am

कवठेमहांकाळ : पुढारी वृत्तसेवा; विहिरीतील पाण्याच्या मोटारीची दोरी कशासाठी आणली, यावरून झालेल्या भांडणात बापानेच मुलाचा दगडाने ठेचून खून केल्याचा प्रकार कुची (ता.कवठेमहांकाळ) (Sangali Murde) येथे शनिवारी दुपारी घडला. हणमंत वसंत माळी असे ठार झालेल्याचे नाव आहे.पोलिसांनी हणमंत याचे वडील वसंत रामू माळी व मोठा भाऊ मारुती वसंत माळी या दोघांवर गुन्हा दाखल केला आहे, अशी माहिती पोलिस निरीक्षक जितेंद्र शहाणे यांनी दिली.

जेलीफिशचा डंखही रोखू शकला नाही शुभम वनमाळीला, १४० किमी अंतर पार केले ५ दिवसांत
राज्यात टीईटीपेक्षाही मोठा शिक्षक भरती घोटाळा, थेट भरती बंद असताना नेमले हजारो शिक्षक
कवठेमहांकाळ पोलिस ठाण्यातून माहिती देण्यात आली, की हणमंत माळी याला दारूचे व्यसन होते. आज दुपारी साडेबाराच्या सुमारास हणमंत हा दारू पिऊन घरी आला होता. मारुती याच्या विहिरीतील पाण्याच्या मोटारीची दोरी कशासाठी आणली, या कारणावरून तो भांडण करून शिवीगाळ करीत होता. मोठा भाऊ मारुती ते भांडण सोडवण्यासाठी पुढे गेला. त्याला हणमंत याने शिवीगाळ केली. त्यामुळे मारुतीने त्याला हाताने मारहाण केली. वडील वसंत माळी याने काठीने मारहाण करून ढकलून दिले. नंतर खाली पाडून दोन-तीन वेळा हणमंत याच्या डोक्यात दगडाने मारून जखमी केले. त्या मारहाणीत हणमंत हा ठार झाला. घटनास्थळी पोलिस उपअधीक्षक रत्नाकर नवले यांनी भेट दिली. फिर्याद हणमंत याची आई सुभद्रा माळी यांनी दिली आहे. अधिक तपास सहाय्यक पोलिस निरीक्षक शिवाजी करे करीत आहेत.

हेही वाचलत का ?