बँक लॉकरमध्ये आढळले 500 कोटींचे शिवलिंग

By:Sonali Jadhav Published on: January 3, 2022, 9:26 AM

तंजावर : वृत्तसंस्था; तामिळनाडू पोलिस तंजावरमधील एका बँक लॉकरमधून जप्‍त केलेल्या 500 कोटी रुपये किमतीच्या, पाचूच्या प्राचीन शिवलिंगाचे मूळ काय, त्याचा शोध घेत आहेत. शिवलिंगाची उंची 8 सेंटिमीटर असून, वजन 530 ग्रॅम आहे.
गुप्‍त माहितीच्या आधारे गुरुवारी एका बँक लॉकरमधून पोलिसांनी हे शिवलिंग ताब्यात घेतले होते. राज्य गुन्हे अन्वेषण विभागाचे अतिरिक्‍त पोलिस महासंचालक के. जयंत मुरली यांनी रविवारी याबाबत पत्रकारांशी बोलताना सांगितले की, ज्याच्या नावे लॉकर आहे, त्या व्यक्‍तीकडे शिवलिंग कोठून व कसे उपलब्ध झाले, याचा शोध आम्ही घेत आहोत.

500 कोटी रुपये किमतीचे शिवलिंग

तंजावरमधील एका व्यावसायिकाच्या घरात अनेक प्राचीन मूर्ती असल्याची गुप्‍त माहिती पोलिसांना प्राप्‍त झाली होती. त्याआधारे या घराचा मालक एन. एस. अरुण यांची चौकशी पोलिसांनी केली. अरुण यांच्या वडिलांच्या लॉकर्सचीही झाडाझडती झाली. ‘माझे वडील ए. समियप्पन (वय 80) यांनी हे शिवलिंग लॉकरमध्ये केव्हा आणि कसे ठेवले, त्याची मला काहीएक माहिती नाही, असे अरुण यांनी पोलिसांना सांगितले.शवलिंग!

आदिशंकराचार्य जन्मस्थळाशी संबंध?

2016 मध्ये नागपट्टीणम् जिल्ह्यातील थिरुकुवलाई येथील शिव मंदिरातून चोरीला गेलेले हे शिवलिंग तर नाही ना, याचा तपास पोलिस करत आहेत. शिवाय, आदिशंकराचार्यांच्या अलुवा या जन्मस्थळातून 2009 पासून चोरीला गेलेले पाचूचे शिवलिंगही हेच तर नाही ना, हेही तपासून पाहिले जात आहे.

हेही वाचा;