शशी थरूर म्हणतात तालिबान संघटनेत दोन भारतीयांचाही समावेश
नवी दिल्ली ; पुढारी वृत्तसेवा : अफगाणिस्तानवर तालिबान्यानी कब्जा केला. यावर काँग्रेस खासदार शशी थरूर यांनी मोठा खुलासा केला आहे. अफगाणीस्तानवर कब्जा करण्यामध्ये दोन भारतीयांचाही समावेश असल्याचे शशी थरूर म्हणाले. हे दोन्ही व्यक्ती केरळचे रहिवासी आहेत आणि दोघेही मल्याळम भाषेत बोलतात.
तिरुअनंतपुरमचे खासदार शशी थरूर यांनी एक व्हिडिओ ट्वीट केले ज्यात हे दोघे हातात बंदुका धरून आहेत आणि ते मल्याळी बोलत आहेत. व्हिडिओ शेअर करताना शशी थरूर म्हणाले, ‘हे ऐकून असे वाटते की तेथे दोन मल्याळी तालिबानही उपस्थित आहेत. त्यापैकी एक ८ सेकंद मल्याळम बोलला आणि दुसरा त्याला ऐकत आहे.
- ओएलएक्सवर (OLX) मोटार खरेदीत बारामतीच्या एकाने घातला लाखोंना गंडा
- तमिळ अभिनेता आनंद कन्नन यांचे कर्करोगाने निधन
व्हिडिओमध्ये हे स्पष्ट दिसत आहे की काबुलच्या बाहेरील भागात पोहोचल्यावर एक तालिबानी रस्त्यावर बसून आनंद व्यक्त करत असतो. यात समोरची व्यक्ती तिला काहीतरी समजावण्याचा प्रयत्न करते. हा व्हिडिओ सोशल मीडियावर झपाट्याने व्हायरल झाला. हाच व्हिडीओ शशी थरूर यांनी शेअर करत माहिती दिली.
तालिबान म्हणजे काय?
पश्तू भाषेत तालिबानचा अर्थ विद्यार्थी असा होतो. अफगाणिस्तानातून सोव्हिएट सैन्याने माघार घेतल्यानंतर उत्तर पाकिस्तानात तालिबानचा उदय झाला. धार्मिक समारंभातून तालिबानचा उदय झाला, असं मानलं जात. कडवट सुन्नी इस्लामचा प्रचार करणाऱ्या या सभांना सौदी अरेबियातून पैसा मिळत होता.
- Mohammed Siraj : मोहम्मद सिराजने मोडला ३९ वर्षांपूर्वीचा विक्रम
- आई कुठे काय करते: अरुंधती देशमुखांच्या घरात पुन्हा येणार का राहायला?
सत्तेत आल्यानंतर शरियतची अंमलबजावणी, शांतता आणि सुरक्षा पुरवू याची हमी त्या काळात तालिबान देत होतं.