जीवे मारण्याची धमकी देऊन अल्पवयीन मुलीवर बलात्कार
इस्लामपूर; पुढारी वृत्तसेवा : जीवे मारण्याची धमकी देऊन अल्पवयीन मुलीवर बलात्कार केल्याप्रकरणी रोहन कुरणे (रा. इस्लामपूर) याच्याविरोधात इस्लामपूर पोलिस ठाण्यात गुन्हा दाखल झाला आहे. या प्रकरणात कुरणेला मदत करणार्‍या त्याच्या दोन मित्रांनाही पोलिसांनी अटक केली आहे. न्यायालयाने त्यांना गुरुवारपर्यंत पोलिस कोठडी सुनावली आहे. अल्पवयीन मुलीवर बलात्कार प्रकरणातील मुख्य संशयित कुरणे याचा पाेलिस शाेध घेत आहेत. मुस्तफा हुसेन पठाण (वय 23), खालीद मुसा मुल्ला (वय 20, दोघे रा. शिवनगर, इस्लामपूर) अशी अटक करण्‍यात आलेल्‍या संशयित आराेपींंची नावे आहेत.
तीन महिन्यांपूर्वी पीडित मुलगी घरी जात होती. त्यावेळी मुस्तफा याने तिला रस्त्यामध्ये अडविले. तेथे रोहन कुरणे आला. त्याने मुलीच्या घरच्यांना मारून टाकण्याची धमकी दिली. त्यानंतर त्याने घरात नेऊन तिच्यावर बलात्कार केला. नऊ दिवसांपूर्वी संशयित कुरणे हा दुचाकीवरून पीडित मुलीला व तिच्या मैत्रिणीला घेऊन गेला होता.त्यावेळी त्याने पीडित मुलीवर बलात्कार केला. त्या दिवशी संध्याकाळी त्याने मुलीला तिच्या घरी आणून सोडले. याबद्दल कोणाला काही सांगू नकोस, अशी दमदाटी कुरणे व मुस्तफा पठाण यांनी केली होती. त्यानंतर मुलीच्या वडिलांनाही धमकी दिली. कुरणे व त्याच्या साथीदाराच्या त्रासाला कंटाळून मुलीने पोलिस ठाण्यात फिर्याद दिली. गुन्हा दाखल झाल्यानंतर कुरणे फरार आहे. पोलिस त्याचा शोध घेत आहेत.
दोघांची रवानगी बालसुधारगृहात…
या प्रकरणात कुरणेला पीडित मुलीची अल्पवयीन मैत्रीण आणि एका अल्पवयीन तरुणाने मदत केली. पोलिसांनी त्या दोघांना ताब्यात घेऊन त्यांची रवानगी बालसुधारगृहात केली आहे. अल्पवयीन मैत्रिणीने रोहन कुरणे याच्याबरोबर जाण्यासाठी पीडित मुलीला भाग पाडले, असेही तक्रारीमध्‍ये म्‍हटलं आहे.
हेही वाचलंत का?
- कर्नाटक सरकारचा निषेध : मराठीवरील अन्यायाचा संसदेत आवाज
- बेळगाव : धर्मांतरबंदी विधेयकावरून कोलाहल
- सिंधुदुर्ग : चार नगरपंचायतीसाठी ७६.५० टक्के मतदान
विराटचा खुलासा, रोहित शर्माची ‘ही’ सवय… https://t.co/AAzhoHgQxq #ViratKohli #RohithSharma #pudharionline
— Pudhari (@pudharionline) December 22, 2021