विट्यात दवाखान्याचा छत कोसळून महिला रुग्ण ठार

विटा; पुढारी वृत्तसेवा : विट्यात दवाखान्याच्या इमारतीचा छत कोसळून एक रुग्ण महिला जागीच ठार झाली तर तिची सख्खी बहिण या दुर्घटनेत गंभीर जखमी झाली आहे. ही घटना मंगळवारी (दि. २१) सायंकाळी साडे पाच वाजण्याच्या सुमारास घडली. या घटनेची पोलिसात नोंद झाली आहे.

• leopard skins : बिबट्याच्या कातडीची तस्करी; शिरोड्यातील तिघांना अटक
• Benefits Of Carrots : गाजर खाल्ल्यास 'हे' आहेत सर्वोत्तम फायदे

याबाबत पोलिस आणि घटनास्थळावरून मिळालेली माहिती अशी की, विट्यात लेंगरे रस्त्यावर डॉक्टर दीपक कुलकर्णी यांचे आशिर्वाद क्लिनिक नावाचा दवाखाना आहे. या दवाखान्यात तपासणीसाठी सायंकाळी पाच वाजण्याच्या सुमारास आयटीआय कॉलेज समोरील अनिता सुरेश माळी (वय ४०) आणि त्यांची बहिण अलका बबन शिंदे (वय ४५) या आल्या होत्या.

• शरद पवार टीकेप्रकरणी सुनील तटकरेंचा गीते यांच्यावर पलटवार
• PBKSvsRR : यशस्वी जयस्वालची दमदार फलंदाजी

डॉक्टर दुसरे रुग्ण तपासत असल्याने त्या दोघीही बाहेर दवाखान्याच्या पायरीवर बोलत बसल्या होत्या. अचानक साडेपाच वाजण्याच्या दरम्यान या दवाखान्याच्या इमारतीच्या पुढील छताचा भाग अनिता माळी आणि अलका शिंदे यांच्या अंगावर कोसळला.

• Chemical free Jaggery : सेंद्रिय गुळ ओळखण्याच्या 'या' आहेत सोप्या टिप्स
• BUS : विनातिकिट प्रवाशांविरोधात एसटीची तपासणी मोहीम

या दुर्घटनेत अनिता माळी यांच्या डोक्याला आणि मेंदूला जबर मार लागल्याने त्यांचा जागीच मृत्यू झाला. तर अलका शिंदे यांच्या डोक्यास व कंबरे खालील भागास जबर मार लागल्याने त्या गंभीर जखमी झाल्या आहेत. अलका शिंदे यांना पुढील उपचारासाठी सांगली येथील रुग्णालयात पाठविण्यात आले आहे.