पुणे : खराडीत बीआरटी स्टॉपला कारची धडक : दोन ठार; दोन जखमी
येरवडा : पुढारी वृत्तसेवा : भरधाव वेगाने निघालेली ब्रिजा कार (एमएच १२, क्यू एफ ९६६३ल) खराडी बायपास येथील बीआरटी बस थांब्याला धडकल्याने झालेल्या भीषण अपघातात दोन जण जागीच ठार झाले, तर दोन गंभीर जखमी झाले आहेत. हा अपघात बुधवारी रात्री साडे बाराच्या सुमारास झाला.
वाघोली च्या दिशेने भरधाव निघालेली ही कार बीआरटी थांब्याला एवढ्या जोरात धडकली की, कारच्या पुढच्या बाजूचा चुराडा झाला आहे. कारमध्ये चौघेजण होते. त्यापैकी कार चालक संकेत रामचंद्र भुजबळ (वय २२, रा. साइनगरी, चंदननगर) व ओम राहुल पवळे वय १७, रा. किनारा हौसिंग सोसायटी, कसबा पेठ) या दोघांचा जागीच मृत्यू झाला. गौरव संजय साठे (वय 22, संभाजी नगर, वाघोली) व प्रफुल्ल अंकमंची (वय २१, रा. बिडी कामगार नगर चंदननगर, खराडी.) हे दोघे जखमी आहेत.
बिपीन रावत यांची त्यांच्या मूळ गावी घर बांधण्याची इच्छा राहिली अपुरी!
सहाय्यक पोलीस फौजदार नामदेव सुपे यांनी दिलेल्या फिर्यादीवरून विमानतळ पोलीस ठाण्यात गुन्हा नोंदविण्यात आला आहे. चालकासह कारमधील इतर सर्व मद्यधुंद अवस्थेत होते आणि चालकाचे कारवरील नियंत्रण सुटून हा अपघात झाल्याची माहिती वरिष्ठ पोलीस निरीक्षक भरत जाधव यांनी दिली
हेही वाचा
सिंहगड रस्त्यावरील पुलाचे काम दोन महिने लांबणार
Group Captain Varun Singh : ग्रुप कॅप्टन वरुण सिंह यांची प्रकृती चिंताजनक
दिल्लीच्या रोहिणी कोर्टात स्फोट; स्कूलबॅगमधील लॅपटॉपसदृश वस्तूने घेतला पेट