पैशाच्या वादातून बोपोडीत चिकन दुकानदाराचा खून
खडकी (पुणे) ; पुढारी ऑनलाईन : पैशाच्या वादातून बोपोडीत टोळक्याने चिकन दुकानदाराचा खून केला. रणजित ऊर्फ माँटी सुगंधर परदेशी (वय ३२, रा. भाऊ पाटील रोड, बोपोडी) असे खून झालेल्या तरुणाचे नाव आहे. या प्रकरणी खडकी पोलिसांनी ५ जणांना ताब्यात घेतले आहे. त्यात तीन अल्पवयीन मुलांचा समावेश आहे. शनिवारी दुपारी सव्वादोन वाजण्याच्या सुमारास चिकन दुकानदाराचा खून झाल्‍याची घटना घडली.
- अल जवाहिरी याचा व्हिडिओ जारी, अमेरिकेला दिली पुन्‍हा धमकी
- रोबो रणगाडा रशियन सैन्यात लवकरच दाखल हाेणार
याबाबत खडकी पोलीस ठाण्याचे वरिष्ठ पोलीस निरीक्षक दत्ता चव्हाण यांनी सांगितले की, माँटी याचे बोपोडीत चिकनचे दुकान आहे.
त्याने यातील एका अल्पवयीन मुलाकडून उसने पैसे घेतले होते. हे पैसे माँटी परत देत नव्हता. या रागातून या अल्पवयीन मुलाने इतर चौघांच्या मदतीने त्याचा खून केला.
बोपोडी परिसरात मेट्रोचे काम सुरु असलेल्या ठिकाणी या अल्पवयीन मुलाने माँटी याला बोलावले. त्यानुसार शनिवारी दुपारी सव्वा दोन वाजण्याच्या सुमारास माँटी तेथे गेला होता.
यावेळी पैसे परत देण्यावरुन त्यांच्यात वाद झाला. त्यावेळी या टोळक्याने माँटीवर कोयत्याने सपासप वार केले. त्यात त्याचा मृत्यू झाला.
या घटनेची माहिती मिळताच खडकी पोलिसांनी घटनास्थळी धाव घेतली. पाचही आरोपींना ताब्यात घेतले आहे. खडकी पोलीस अधिक तपास करीत आहेत.
हेही वाचलं का?
- आंतरराष्ट्रीय : तालिबानचा नवा जुगार
- कोकणात ऑरेंज अ‍ॅलर्ट, भारतीय हवामान खात्याचा अंदाज
- अल्पवयीन मुलीवर अत्याचार ; २१ तोळे सोन्यावरही डल्ला