जळगांव ; पुढारी वृत्तसेवा : गावठी कट्टा खरेदी करण्यासाठी गेलेल्या दोन तरूणांवर गोळीबार करून त्यांना मारहाण केल्याची घटना घडली. असून यात एकाच्या पायाला दुखापत झाली आहे. दरम्यान यात गावठी कट्टा खरेदी करणारे आणि विक्री करणारे यांच्यावर गुन्हे दाखल झाले आहेत.
याबाबत वृत्त असे की, विकी अनिल घोलप व त्याचा मित्र प्रज्ञेश संजय नेटके (दोन्ही राहणार पिंपरी-चिंचवड) हे दुचाकीने गावठी कट्टा घेण्यासाठी उमर्टी येथे गेले होते.
अधिक वाचा :
तेथून परत चोपड्याकडे येत असताना, इंडिका कारमधून चार ते पाच संशयितांनी त्यांचा पाठलाग केला.
पाठलाग करताना कारमधील संशयितांनी त्यांच्यावर गोळीबार केला. त्यांनी प्रज्ञेश नेटके याला पकडून कारमध्ये सोबत नेले.
झटापटीत इंडिका कारची दुचाकीला धडक लागल्याने घोलप याच्या पायाला दुखापत झाली.
अधिक वाचा :
या घटनेची माहिती मिळताच ग्रामीण पोलिसांनी घटनास्थळ गाठले.
जखमी अवस्थेत विकी घोलप याला पोलिसांनी ताब्यात घेऊन उपजिल्हा रुग्णालयात आणले.
दरम्यान गोळीबार करणार्यांना आपण ओळखत असल्याची माहिती अनिल घोलप याने दिली आहे.
अधिक वाचा :
या प्रकरणात कट्टा खरेदी करणारे व त्यांच्यावर हल्ला करणारे हे गुन्हेगार असल्याची प्राथमिक माहिती मिळाली आहे.
या प्रकरणी चोपडा ग्रामीण पोलीस स्थानकात रात्री उशीरापर्यंत गुन्हा नोंदविण्याचे काम सुरू होते.
हे ही वाचा :
