आरोग्य, वैद्यकीय शिक्षण विभागात पंधरा हजार पदे भरणार!
मुंबई पुढारी वृत्तसेवा : सार्वजनिक आरोग्य व वैद्यकीय शिक्षण विभागातील गट अ ते क पर्यंतची एकूण १५ हजार ५११ पदे महाराष्ट्र लोकसेवा आयोगामार्फत भरण्याची कार्यवाही लवकरच सुरू करण्यात येणार आहे अशी माहिती सामान्य प्रशासन विभागाचे राज्यमंत्री दत्तात्रय भरणे यांनी दिली.
अधिक वाचा :
- कराड : आंधळ दळतयं अन् ‘टेंडर’ पीठ खातंय!
- पाकिस्‍तानमध्‍ये बॉम्‍बस्‍फोट : चीनच्‍या ९ नागरिकांसह १३ ठार
भरणे म्हणाले, ‘एमपीएससी’मार्फत घेण्यात येणाऱ्या परीक्षा आणि रिक्त पदांच्या भरतीच्या अनुषंगाने उपमुख्यमंत्री अजित पवार यांच्या अध्यक्षतेखाली बैठक झाली. या बैठकीत काही महत्त्वाचे निर्णय घेण्यात आले आहेत. सार्वजनिक आरोग्य विभाग, वैद्यकीय शिक्षण विभाग इत्यादी विभागांना पदभरतीच्या निर्बंधामधून सूट देण्यात आली आहे. तसेच गट अ ची ४ हजार ४१७ पदे, गट ब ची ८ हजार ३१ पदे आणि गट कची ३ हजार ६३ पदे अशी एकूण १५ हजार ५११ पदे भरण्यास वित्त विभागाने मान्यता दिलेली आहे. त्याअनुषंगाने या पदांचे आरक्षण तपासून पद भरती गतीने राबवण्याच्या दृष्टीने कार्यवाही सुरू आहे.
- गोवा : कुशावती नदीने धोक्याची पातळी ओलांडली; पारोडा गाव बुडण्याची भीती
- प्रशांत किशोर काँग्रेसमध्ये प्रवेश करण्याची शक्यता?
उमेदवारांच्या मुलाखतीच्या टप्प्यावर प्रलंबित असलेली भरती प्रक्रिया पार पाडण्याच्या दृष्टीने एमपीएससी सदस्यांची ४ रिक्त पदे भरण्यासाठी जुलै अखेरपर्यंत सर्व प्रक्रिया पार पाडण्याबाबतही बैठकीत निर्देश देण्यात आले आहेत. याशिवाय केरळ लोकसेवा आयोगाच्या धर्तीवर महाराष्ट्र लोकसेवा आयोगाच्या सदस्यसंख्येत वाढ करण्याच्या अनुषंगानेही या बैठकीत चर्चा करण्यात आली.
- ब्रा सुद्धा इतर कपड्यांप्रमाणेच एक वस्त्र, पण त्यावर इतकी चर्चा का?
- न्यूयॉर्क : सूर्यावर पृथ्वीवरील महासागरांइतके सोन्याचे भांडार!
संघ लोकसेवा आयोगाकडून (युपीएससी) दरवर्षी पुढील संपूर्ण वर्षाचे परीक्षांचे वेळापत्रक जाहीर केले जाते. त्याच धर्तीवर एमपीएससीच्या परीक्षांचेही वेळापत्रक जाहीर करण्याबाबतचे निर्देशही देण्यात आले आहेत, अशी माहितीदेखील भरणे यांनी यावेळी दिली.
हे ही वाचलत का :
- गोळीबार करून खून करणाऱ्या सहा जणांना अटक, मालेगाव पोलिसांना यश
- निपाणी नगरपालिकेत गदारोळ, अंगावर धाऊन जाण्याचा प्रकार
- निष्ठेपेक्षा उपयुक्तता महत्त्वाची !