Israel Hamas war : विश्व हिंदू परिषद इस्रायलच्या पाठीशी : डॉ. सुरेंद्र जैन
मुंबई, पुढारी वृत्तसेवा : “हमासने गेल्या काही दिवसांत जो काही अत्याचार, नरसंहार चालवला आहे, तो मानवतेला काळीमा फासणारा आहे. विश्व हिंदू परिषद इस्रायलच्या पाठीशी आहे. जोपर्यंत हमासचा एक एक दहशतवादी ठेचत नाही, तोवर आपले अभियान थांबवू नका,” असे विश्व हिंदू परिषदेचे संयुक्त महामंत्री डॉ. सुरेंद्र जैन यांनी म्हटले आहे.
संबंधित बातम्या :
- Israel Hamas War : अनेक गोमंतकीय अडकले बंकरमध्ये; गोमंतकीय महिलेने सांगितले भयावह वास्तव
- Israel-Hamas War : इस्रायलच्या बाजूने लढणाऱ्या भारतीय वंशाच्या 2 महिला सैनिकांचा मृत्यू
- Hamas-Israel War : आता हमासची खैर नाही; इस्त्रायलचे ‘ब्रह्मास्त्र’ सज्ज; लेसरद्वारे क्षेपणास्त्र हवेतच नष्ट करण्याची क्षमता
- Israel hamas war news latest: आता जमिनीवरील आरपारच्या लढाईसाठी इस्त्रायल सज्ज, गाझा ताब्यात घेण्याचे उद्दिष्ट
छत्रपती शिवाजी महाराजांच्या राज्याभिषेकाचे ३५० वे वर्ष व विश्व हिंदू परिषदेचे हिरक महोत्सवी वर्ष यानिमित्त बजरंग दलाच्या वतीने सिंधुदुर्ग ते मुंबई अशा शिवशौर्य यात्रेचे आयोजन करण्यात आले होते. या यात्रेच्या समारोप कार्यक्रमात ते बोलत होते. दादर येथील राजा बढे चौक येथे संपन्न झालेल्या या कार्यक्रमास महामंडलेश्वर स्वामी विश्वेश्वरानंद गिरी महाराज, अभिनेते राहुल सोलापूरकर, ह.भ.प. जयेश महाराज भाग्यवंत, निवृत्त लेफ्टनंट कर्नल मनोजकुमार सिन्हा, निवृत्त लेफ्टनंट कर्नल जगदीप सिंह मनचंदा, भजनसम्राट अनुप जलोटा, ज्येष्ठ दिग्दर्शक राजदत्त आदी उपस्थित होते. या कार्यक्रमाला बजरंग दलाचे कार्यकर्तेही मोठ्या संख्येने उपस्थित होते.
सुरेश जैन पुढे म्हणाले की, “जगभरातील मुस्लिम समाज हमासच्या समर्थनार्थ मोठ्या संख्येने उभा आहे हे दुर्दैवी आहे. स्त्रियांवरील अत्याचार, मंदिरे उद्ध्वस्त करणे हे प्रकार मागील १४०० वर्षे होत आले आहेत. छत्रपती शिवाजी महाराजांचे जीवन अनुकरणीय आहेच. छत्रपती संभाजी महाराजांचे स्मरणही करणे आवश्यक आहे. त्यांनी औरंगजेबाशी १२५ लढाया केल्या व जिंकत आले. औरंगजेबाने धोका देऊन त्यांना पकडले, अनन्वित अत्याचार केला. पण संभाजी महाराजांनी धर्मांतर केले नाही. म्हणूनच त्यांचा धर्मवीर म्हणून गौरव केला जातो,” असेही ते म्हणाले.
हेही वाचा :
- Israel-Hamas War : गाझा शहरात मृतदेहांचा खच; दफनभूमीत जागा नसल्याने आईस्क्रिम फ्रिजरमध्ये केला जातोय मृतदेहांचा साठा
- Israel-Hamas War : इस्रायलच्या हवाई हल्ल्यात हमासचा आणखी एक म्होरक्या ठार