Samruddhi Mahamarg Accident : समृद्धी महामार्ग अपघातातील मृतांच्या कुटूंबियांना पीएम मोदींकडून २ लाखांची मदत जाहीर
पुढारी ऑनलाईन डेस्क : समृद्धी महामार्गावर (Samruddhi Mahamarg Accident) छत्रपती संभाजीनगर जिल्ह्य़ात आज (दि.१५) सकाळी झालेल्या अपघातातील मृतांच्या कुटूंबियांना प्रत्येकी २ लाख रुपयांची मदत देण्याची घोषणा पंतप्रधान नरेंद्र मोदी यांनी केली आहे. पंतप्रधान मोदी यांनी ट्वीट करत दुर्घटनेबद्दल शोक व्यक्त केला आहे.
संबंधित बातम्या :
- Samruddhi Expressway accident : समृद्धी महामार्गावर भीषण अपघात : ट्रकला टेम्पोची धडक, १२ जण ठार
- बीड : जरांगे-पाटलांच्या सभेहून परतत असताना दुचाकीला अपघात; एकाचा जागीच मृत्यू
- Pune News : पालखी महामार्गावरील खड्ड्यांमुळे अपघातात वाढ
वैजापूर तालुक्यातील जांबरगाव शिवारात समृद्धी महामार्गावर उभ्या ट्रकला टेमो ट्रॅव्हलरने पाठीमागून दिलेल्या धडकेत १२ जण जागीच ठार झाले. तर १८ जण जखमी झाले आहेत. मृतात ५ पुरुष ६ महिला व एका बालकाचा समावेश आहे. ट्रॅव्हलमधील नाशिकचे भाविक सैलानी बाबाच्या दर्शनासाठी बुलढाणा येथे गेले होते. दर्शन करून परतत असताना हा भीषण अपघात झाला. या अपघातातील मृतांबद्दल पंतप्रधान मोदी यांनी दु:ख व्यक्त केले आहे. “अपघातात झालेल्या जीवितहानीमुळे दु:ख झाले आहे. ज्यांनी आपले प्रियजन गमावले त्यांच्यासोबत माझे विचार आहेत. जखमींना लवकरात लवकर बरे व्हावे अशी माझी इच्छा आहे. प्रत्येक मृताच्या नातेवाईकांना PMNRF कडून २ लाख रुपये दिले जातील, तर जखमींना ५० हजार रूपयांची मदत दिली जाईल, असेही त्यांनी सांगितले आहे.
Pained by the loss of lives due to an accident in Chhatrapati Sambhajinagar district. My thoughts are with those who lost their loved ones. I wish the injured a speedy recovery. An ex-grata of Rs. 2 lakh from PMNRF would be given to the next of kin of each deceased. The injured… https://t.co/Q7lrUy5gMH pic.twitter.com/vSujDd2Aea
— ANI (@ANI) October 15, 2023
हेही वाचा :