जयसिंगपूर : मोपेडच्या चोरीने चोरट्यांचे फुटले बिंग, चार चोरट्यांसह सात मोटरसायकली हस्तगत
जयसिंगपूर; पुढारी वृत्तसेवा : कोल्हापूर जिल्ह्यातील जयसिंगपूर मध्ये कोर्टाजवळ लावलेली मोपेड मोटरसायकल बनावट चावीने दिवसभर वापरून ती पुन्हा सांयकाळी कोर्टाजवळ आणून लावण्याचा प्रकार चार दिवस सुरू होता. या प्रकारानंतर पाचव्या दिवशी चोरट्यांना ही मोटरसायकल चोरण्याचा मोह आवरला नाही. आणि अखेर मंगळवारी (दि.14) रोजी मोपेड मोटरसायकलची चोरीची ही घटना सीसीटीव्हीत कैद झाल्यानंतर जयसिंगपूर पोलिसांनी शोध घेतला. त्यानंतर संशयीत मोटरसायकल चोरटा तुषार रावसो तेरदाळे याच्यासह अन्य तीन चोरट्यांकडून मोपेडसह 7 मोटरसायकली असा एकूण 2 लाख 22 हजार रूपयांचा मुद्देमाल जयसिंगपूर पोलिसांनी हस्तगत केला.
- अनिल देशमुखांच्या घर, कॉलेजवर आयकर विभागाची छापेमारी!
- Raosaheb Danve : “सिलोड जिल्हा झाला नाही तर, अब्दुल सत्तारांना मतदान करू नका”
याप्रश्नी तुषार रावसो तेरदाळे (वय 23, रा. मंगेश्वरनगर कोथळी, ता.शिरोळ), प्रताप संजय माने (वय 27), ऋतीक नितीन इंगवले (वय 19) व वकील संजय वाळकुंजे (वय 21, सर्व रा. दानोळी, ता.शिरोळ) यांना जयसिंगपूर पोलिसांनी ताब्यात घेवून येथील प्रथमवर्ग न्यालयासमोर उभे केले असता तीन दिवसांची पोलिस कोठडी सुनावली आहे.
- इलेक्ट्रीक महामार्ग उभारणीसाठी विदेश कंपनीसोबत बोलणी : नितीन गडकरी
- देशातील सुरक्षा यंत्रणांच्या प्रमुखांची उच्चस्तरीय बैठक; रॉ,आयबीसह ११ राज्यातील एटीएस प्रमुखांची हजेरी
याबाबत अधिक माहिती अशी की, जयसिंगपूर परिसरात सातत्याने मोटरसायकल चोरीच्या घटना घडत आहेत. त्यामुळे पोलिस निरीक्षक राजेंद्र मस्के, पोलिस नाईक सागर सुर्यवंशी, अंजना बन्ने, पो.कॉ. संजय शेटे, अमोल अवघडे, रोहित डावाळे, शशिकांत भोसले, वैभव सुर्यवंशी यांच्यासह पोलिस कर्मचारी यांनी मोटरसायकल चोरट्यांवर लक्ष ठेवून होते. अशातच सांगली आगाराचे एसटी चालक हे आपली मोटरसायकल सेशन कार्टाजवळ लावून जात होते. संशयीत चोरटा तुषार तेरदाळे यांनी सदर मोपेट मोटरसायकल बनावट चावीने चार दिवस मोटरसायकल सकाळी नेऊन सायंकाळी परत आणून लावत होता.
- रंग माझा वेगळा : दीपाच्या संसारात बिब्बा घालणारी आयेशा आहे तरी कोण?
- रोहित शर्मा याला उपकर्णधार पदावरून हटवण्याची विराटने केली होती मागणी?
अखेर मंगळवारी ही मोटरसायकल चोरी करून घेवून गेले. व या मोटरसायकल चोरीची फिर्याद या चालकाने दिल्यानंतर जयसिंगपूर पोलिसांनी सीसीटीव्हीचा आधार घेत संशयीत तेरदाळे याचा शोध घेतला. त्यानंतर अन्य तिघे चोरटे पोलिसांच्या हाती लागले. त्यानंतर चोरलेल्या पाच व गुन्ह्यात वापरलेल्या दोन अशा एकूण 7 मोटरसायकलींचा 2 लाख 20 हजाराचा मुद्देमाल पोलिसांनी हस्तगत केला.
हेही वाचलत का :
- कोल्हापूर : बँकेसह ३९ शिक्षक पतसंस्थांच्या निवडणुका
- कोल्हापूर महापूर : नुकसान ७०० कोटी; मिळणार १०० कोटी
- कोल्हापूर महानगरपालिका : एकसदस्यीय पद्धत बदलण्याचा घाट
कळंबा तलाव येथे प्रेमप्रकरणातून तरुणीवर तरुणाने गोळीबार केल्याची घटना घडली. या प्रकारानंतर संबधित तरुण पसार झाला असून तरुणीला इजा झालेली नाही.
👉 https://t.co/122UqOhOix#pudharionline #pudharinews— Pudhari (@pudharionline) September 17, 2021