'लोकराजा'ला अभिवादन : ...अन् १०० सेकंद कोल्हापूर स्तब्ध झाले!
पुढारी ऑनलाईन डेस्क
रयतेचे राजे राजर्षी शाहू छत्रपतींना स्मृती शताब्दीनिमित्त आज कोल्हापुरात अभिवादन करण्यात आले. त्यासाठी कोल्हापुरीतील तमाम जनता आज (दि. शुक्रवार) सकाळी १० वाजता १०० सेकंद आहे त्या ठिकाणी स्तब्ध राहिली आणि लोकराजाला तमाम जनतेने मानवंदना दिली.
राजर्षी शाहू छत्रपतींचे यंदाचे स्मृती शताब्दी वर्ष आहे. जिल्हा प्रशासनाच्या वतीने यानिमित्त लोकराजा कृतज्ञता पर्वाचे आयोजन केले आहे. दि. 18 एप्रिलपासून सुरू झालेले हे पर्व दि. 22 मेपर्यंत सुरू राहणार आहे. यानिमित्त विविध कार्यक्रमांद्वारे राजर्षींच्या विचारांचा जागर सुरू आहे. आज राजर्षा शाहू महाराज यांचा स्मृतिदिन. आज सकाळी दहा वाजता शंभर सेकंद आहे त्या ठिकाणी उभे राहून लोकराजाला तमाम जनतेने मानवंदना दिली.
शंभर सेकंद कोल्हापूर स्तब्ध
आज ( दि. ६ मे, शुक्रवार) सकाळी दहा वाजता शंभर सेकंद कोल्हापूर स्तब्ध झाले. जिथे असेल त्या जागेवर शंभर सेकंद स्तब्धता पाळून राजर्षींना मानवंदना दिली. शहरातील प्रमुख रस्त्यांवरील नऊ सिग्नल या कालावधीत ‘रेड’ झाले. एस.टी. बसेस तसेच अन्य वाहने, जाग्यावर थांबवली गेली. विविध कार्यालयांतील कर्मचारी, अधिकारी, व्यापारी, उद्योजक, विक्रेते, प्रवासी, शाळा-महाविद्यालये, विद्यापीठातील विद्यार्थी आदी सर्वच नागरिकांनी या उपक्रमात सहभागी होवून लोकराजा राजर्षी शाहू महाराजांना मानवंदना दिली.
हेही वाचलंत का?
- सांगली : संभाव्य महापुराच्या मुकाबल्यासाठी महापालिका ‘अलर्ट’; आयुक्तांची बैठक
- सांगली : आष्टा पोलिसांकडून जीवे मारण्याचा प्रयत्न; चिकुर्डेमध्ये युवकाच्या अंगावर घातली गाडी
- DC Vs SHR दिल्लीचा हैदराबादला दणका; डेव्हिड वॉर्नर आणि रोव्हमन पॉवेलची स्फोटक खेळी
राजर्षी शाहू महाराज समाधी स्थळ येथे महसूल मंत्री @bb_thorat ग्रामविकास मंत्री @mrhasanmushrif, उच्च व तंत्र शिक्षण मंत्री @samant_uday पालकमंत्री @satejp,खासदार संजय मंडलिक, धैर्यशील माने, यांच्यासह मान्यवर लोकप्रतिनिधीनी १०० सेकंद आदरांजली वाहिली@MahaDGIPR @drsskharat pic.twitter.com/4HPviSyann
— DIVISIONAL INFORMATION OFFICE, KOLHAPUR (@InfoDivKolhapur) May 6, 2022
लोकराजा राजर्षि छत्रपती शाहू महाराज स्मृती शताब्दी कृतज्ञता पर्व
खासबाग मैदान येथे 5 ते 7 मे 2022 कालावधीत सायंकाळी 5 ते रात्री 10 या वेळेत *महा ताल* उत्सव लोक वाद्यांचा या कार्यक्रमाचे आयोजन करण्यात आले आहे. कार्यक्रम सर्वांसाठी विनामूल्य@MahaDGIPR @drsskharat @satejp pic.twitter.com/s81D3WQqCo— DIVISIONAL INFORMATION OFFICE, KOLHAPUR (@InfoDivKolhapur) May 6, 2022
6 मे रोजी सकाळी 10 वाजता 100 सेकंद स्तब्ध उभे राहून #लोकराजाला आदरांजली वाहूया.. पालकमंत्री @satejp यांचे कोल्हापूर जिल्ह्यातील सर्व नागरिकांना आवाहन#लोकराजाशाहू #शाहूस्मृतीशताब्दी #शाहूवंदन @MahaDGIPR @drsskharat @CollectorKolha1 @destinationkop pic.twitter.com/eoYcIJdEqC
— DIVISIONAL INFORMATION OFFICE, KOLHAPUR (@InfoDivKolhapur) May 6, 2022
पाहा व्हिडीओ :आणि त्या दिवशी महाराष्ट्र शोकसागरात बुडाला | Last Day of Ch.Shahu maharaj