सिंधुदुर्ग: मटण भाकरीच्या प्रसादासाठी प्रसिद्ध असणाऱ्या नांदगाव येथील श्रीदेव कोळंबाची रविवारी यात्रा
नांदगाव: पुढारी वृत्तसेवा : कणकवली तालुक्यातील नांदगाव येथील जागृत देवस्थान श्रीदेव कोळंबाची जत्रा रविवारी (दि. ५ मे) आयोजित करण्यात आली आहे. मटण भाकरीचा प्रसादासाठी महाराष्ट्रासह विविध राज्यात प्रसिद्ध असणा-या व भक्ताच्या हाकेला धावणारा, नवसाला पावणारा अशी श्रीदेव कोळंबाची ख्याती आहे.
दरम्यान यानिमित्त सकाळी ८ ते ९ पूजाविधी, सकाळी ९ ते २ नवस फेडणे, दुपारी १२ ते ४ नवीन नवस बोलणे, सायंकाळी ४ ते ८ महाप्रसाद म्हणून चक्क मटण व भाकरीचा प्रसाद वाटप केला जातो. महाराष्ट्रात मटण भाकरीचा प्रसाद अशी ओळख असणा-या या जत्रौत्सवाची जय्यत तयारी सुरू आहे. तरी भाविकांनी या जत्रौत्सवाला उपस्थित राहावे, असे आवाहन श्रीदेव कोळंबा उत्कर्ष सेवा मंडळ नांदगावचे अध्यक्ष नागेश मोरये यांनी केले आहे.
हेही वाचा
