रणवीर सिंह हा नेहमी चर्चेत असणारा अभिनेता. कधी आपल्या अभिनयाने तर कधी आपल्या हटके फॅशनमुळे चर्चेत असतो. न्यूड फोटोशूट प्रकरणी त्याच्या विरुद्ध चेंबूर पोलिस स्टेशनला तक्रार दाखल केली होती. रणवीरवर भारतीय दंड विधानाच्या कलम ५०९, २९२, तसेच २९४ कलमांतर्गत तसेच आयटी अॅक्टच्या कलम ६७ ए अंतर्गत गुन्हा दाखल करण्यात आला आहे. समन्स अंतर्गत त्याला २२ ऑगस्टला हजर राहण्यास सांगितले गेले आहे.
Nude Photoshoot: काय आहे प्रकरण
रणवीर सिंगने काही दिवसांपूर्वी पेपर' या इंग्रजी मासिकासाठी न्यूड फोटोशूट केले होते. या फोटोशूटनंतर तो बराच चर्चेत आला आहे. त्याच्या या फोटोंवर सोशल मीडियावर संमिश्र भावना येत आहेत. काहींनी पाठिंबा तर काहींनी त्याच्यावर टिका केली होती. याप्रकरणी त्याच्यावर पोलिसात तक्रारही दाखल झाली आहे.