पुढारी आॅनलाईन डेस्क : ऐश्वर्या राय-बच्चनच्या सौंदयार्चा जलवा पुन्हा एकदा सिल्व्हर स्क्रीनवर दिसणार आहे. मणिरत्नम यांचा आगामी चित्रपट पोन्नियिन सेल्वन पार्ट-१ (Ponniyin Selvan) ने ऐश्वर्या रायचा लुक रिलीज केला आहे. या पोस्टरमधील तिचा लुक पाहून ऐश्वर्याचे सौंदर्य प्रत्येकाला मोहून टाकणारे आहे. Ponniyin Selvan चित्रपटातील राणी नंदिनीच्या भूमिकेत ऐश्वर्या राय बच्चन सुंदर दिसत आहे. तिच्या पारंपरिक लूकने तिच्या चाहत्यांना वेड लावले आहे. ऑरेंज सिल्क साडी, नेकपीस, झुमका, मांगटिका, बिंदीमध्ये ऐश्वर्या राय बच्चन गॉर्जियस दिवा दिसत आहे. या लूकमध्ये ऐश्वर्या राय बच्चनने तिचे लांब केस खुले ठेवले आहेत. या सुंदर लूकवर तिचे किलर डोळे चाहत्यांच्या मनाला घायाळ करत आहेत. राणी नंदिनीच्या भूमिकेत ऐश्वर्या खरोखरच राणीसारखी दिसते. तिच्या नजरेतून माझी नजर हटवणे कठीण आहे.
ही फक्त एक झलक आहे. पोन्नियिन सेल्वन या चित्रपटात तुम्हाला ऐश्वर्याचे असे अनेक सुपर गॉर्जियस लूक्स पाहायला मिळतील. तिचे सौंदर्य पाहून तुम्हाला कमेंट्स करायला भाग पाडेल. सोशल मीडिया यूजर्सनाही ऐश्वर्याचा लूक खूप आवडला आहे. युजर्स बॉलिवूड दिवाचे कौतुक करताना थकत नाहीत. पोन्नियिन सेल्वन या चित्रपटाचा पहिला भाग ३० सप्टेंबर रोजी चित्रपटगृहांमध्ये प्रदर्शित होणार आहे. तो हिंदी, तमिळ, तेलुगू, मल्याळम आणि कन्नड भाषेत रिलीज होणार आहे. या चित्रपटातील विक्रम, कार्ती यांचा लूक यापूर्वीच समोर आला आहे.
हा एक मल्टिस्टारर चित्रपट असून यात जयम रवी, त्रिशा, शरद कुमार, विक्रम बाबू, शोभिता धुलिपाला, प्रकाश राज हे महत्त्वाच्या भूमिकेत दिसणार आहेत. पोन्नियिन सेल्वन हे महाकाव्य कालखंडातील नाटक आहे. जे कल्की कृष्णमूर्ती यांच्या १९५५ मध्ये आलेल्या पोन्नियिन सेल्वन या कादंबरीवर आधारित आहे. पोनियिन सेल्वनचे बजेट ५०० कोटी रुपये सांगितले जात आहे. हा सर्वात महागडा चित्रपट असेल.
