Suchika Tariyal MMA medal Asian Games 2026: सुचिका तारियालने एशयन्स गेम्स २०२६ मध्ये इतिहास रचला. मिक्स्ड मार्शल आर्ट्स अर्थात (MMA) मध्ये भारताला आपलं पहिलं वहिलं पदक जिंकून दिलं. सोमवारी झालेल्या लढतीत तिने कांस्य पदक पटववलं. ३६ वर्षाच्या सुचिकाचा ६० किलो वजनी गटाच्या सेमी फायनलमध्ये सिंगापूरच्या तेईओ हुई हून कडून पराभव झाला.
मात्र या सामन्यात सुचिकाने चांगली लढत दिली. तिने सामना अतिरिक्त वेळेत नेला. मात्र पंचांनी निर्णय हूनच्या बाजूने दिला. ज्यावेळी विजेता घोषित केला जात होता त्यावेळी काही नाट्यपूर्ण घडामोडी देखील घडल्या सुचिका ही पंचांच्या निर्णयावर नाराज दिसली. विशेष म्हणजे एशियन्स गेममध्ये पहिल्यांदाच MMA चा समावेश करण्यात आला आहे.
सामन्यानंतर ज्यावेळी पंचांनी दोन्ही प्रतिस्पर्ध्यांना स्टेडवर बोलवलं. त्यावेळी सुचिकाने जाण्यास नकार दिला होता. मात्र प्रशिक्षकांनी जाण्यास सांगितलं. त्यानंतर पंचांनी निर्णय दिला अन् सुचिकाच्या डोळ्यातून अश्रू आले.
सुचिकाने २०१७ मध्ये एमएमए मध्ये पदार्पण केलं होतं. त्यानंतर तिने सात वर्षे यातून ब्रेक घेतला होता. ती ज्युडो खेळायला लागली होती. २०२४ मध्ये तिने ब्रेव्ह कॉम्बॅट फेडरशेनशी करार केला. त्यानंतर सुचिका व्यावसायिक एमएमए स्पर्धेत परत आली. तिने ब्रेव्ह सीएफ ९२ मध्ये भाग घेतला होता. ही स्पर्धा बहरीनमध्ये डिसेंबर २०२४ मध्ये पार पडली होती.
सुचिका ही ज्युडोकामधील राष्ट्रीय स्तरावरील खेळाडू आहे. तिने बर्मिंगहम कॉमनवेल्थ गेम्समध्ये कांस्य पदकाची लढत लढली होती. ती हरियाणामधील रोहतकची असून तिने वयाच्या १२ व्या वर्षापासून क्रीडा क्षेत्र गाजवण्यास सुरूवात केली.
स्व रक्षणासाठी तिने ज्युडो शिकले. मात्र पुढे या खेळाची तिला आवड निर्माण जाली. तिने ज्युडोका आंतरराष्ट्रीय स्तारपर्यंत मजल मारली. देशाकडून तिने २० पेक्षा जास्त आंतरराष्ट्रीय स्पर्धांमध्ये सहभाग नोंदवला आहे.
