Lovlina Borgohain Asian Games 2026 gold medal
भारताची 'स्‍टार' बॉक्‍सर अशी ओळख असणार्‍या लोव्हलिना बोर्गोहेनने आशियाई क्रीडा स्पर्धेत सुवर्ण पदकाला गवसणी घातली आहे. महिलांच्या ७५ किलो वजनी गटातील बॉक्सिंग स्पर्धेत तिने चीनच्या बाओ झियीचा ५-० असा एकर्फी पराभव केला.
अंतिम सामन्‍यात लोव्हलिनाने संयमाने चीनची प्रतिस्‍पर्धी बाओ झियाला केवळ रोखलेच नाही तर प्रभावी 'काउंटर-पंच' मारून प्रत्युत्तर दिले. बाओने अधिक आक्रमकपणे पुढे येण्याचा प्रयत्न केला; परंतु लोव्हलिना अधिक आत्मविश्वासपूर्ण आक्रमकपणे प्रभावी 'पंच' मारले. लोव्हलिनाने दुसरा राऊंड ४-१ ने जिंकला, ज्यामुळे एक राऊंड बाकी असताना तिला एकूण २-० अशी आघाडी मिळाली. यानंतर तिसऱ्या राऊंडवरही वर्चस्व राखले आणि एक दमदार विजय साकारला.
भारताच्या नेत्रा कुमाननने महिलांच्या 'डिंगी' सेलिंग (नौकायन) प्रकारात कांस्यपदक पटकावले. पहिल्या कठीण शर्यतीनंतर, नेत्राने शानदार पुनरागमन करत दुसरी अंतिम शर्यत जिंकली. तिचे आणि हाँगकाँगच्या स्टेफनी लुईस नॉर्टनचे गुण समान झाले, परंतु नॉर्टनविरुद्धच्या सरस 'हेड-टू-हेड' कामगिरीमुळे नेत्राने कांस्यपदक आपल्या नावे केले.
