IPL 2023 : जोस बटलरच्या नावावर नवा विक्रम; कोहली, रोहित, धोनीलाही टाकले मागे

By:Mohan Karande Published on: April 13, 2023, 2:16 PM

पुढारी ऑनलाईन डेस्क : आयपीएल २०२३ च्या १७ व्या सामन्यात राजस्थान रॉयल्सचा सलामीवीर जोस बटलरच्या नावावर नवा विक्रम नोंदवला गेला आहे. जोस बटलर आयपीएलमध्ये सर्वात जलद ३ हजार धावा पूर्ण करणारा तिसरा खेळाडू ठरला आहे. बुधवारी चेन्नई सुपर किंग्जविरुद्धच्या सामन्यात जोस बटलरने हा पराक्रम केला.

IPL 2023 Sandeep Sharma | धोनीला षटकार मारण्यापासून कसे रोखले? राजस्थानला विजय मिळवून देणाऱ्या संदीप शर्मानं सांगितली रणनिती

आयपीएलमध्ये चेन्नई सुपर किंग्जविरूद्ध जोस बटलर ३ हजार धावा पूर्ण करणारा २१ वा खेळाडू बनला आहे. बटलरने चेन्नई सुपर किंग्जविरुद्धच्या सामन्यात १७ धावा करताच आयपीएलमधील आपल्या तीन हजार धावा पूर्ण केल्या. डावांच्या बाबतीत सर्वात जलद ३ हजार धावा करणारा तो तिसरा खेळाडू ठरला आहे. सर्वात वेगवान ३ हजार धावा करण्याचा विक्रम ख्रिस गेलच्या नावावर आहे. चेन्नईविरुद्धच्या सामन्यात बटलरने ३६ चेंडूत ५२ धावांची खेळी केली होती. या खेळीत त्याने एक चौकार आणि तीन षटकार मारले.