Smriti Mandhana : आयसीसीकडून स्मृतीचा गौरव; ठरली सर्वोत्कृष्ट महिला क्रिकेटर
पुढारी ऑनलाईन डेस्क
भारतीय महिला क्रिकेट संघाची सलामीवीर फलंदाज स्मृती मानधना ( Smriti Mandhana ) यंदाची सर्वोत्कृष्ट महिला क्रिकेटर ठरली आहे. २०२१ या सालात केलेल्या कामगिरीची दखल घेत आयसीसीने (ICC) तिला सर्वोत्कृष्ट महिला क्रिकेटर ( Icc Women’s Cricketer Of The Year ) म्हणून गौरविले आहे.
स्मृती मानधनासह ( Smriti Mandhana ) या यादीत इंग्लडची खेळाडू टॅमी ब्युमोट, दक्षिण आफ्रिकेची लिजेली ली आणि आर्यलंडची गॅबी लुईस यांना देखिल आयसीसीने या पुरस्कारासाठी नामांकन दिले होते. पण, स्मृतीने या तिघींना पछाडत या पुरस्कारावर आपले नाव कोरले. स्मृती मानधनाला दुसऱ्यांदा या पुरस्कारने गौरविण्यात आले आहे. तिने २०१८ साली सुद्धा सर्वोत्कृष्ट क्रिकेटरचा पुरस्कार पटकावला होता.
स्मृती मानधनासाठी ( Smriti Mandhana ) २०२० हे साल अत्यंत कठीण राहिले होते. मागील वाईट काळाला विसररुन तिने कठोर परिश्रमाच्या जोरावर तिने २०२१ सालात खोऱ्याने धावा केल्या. तिच्या मेहनतीचे फळ तिला मिळाले आहे. भारतामध्ये दक्षिण आफ्रिकेविरुद्ध खेळल्या गेलेल्या मालिकेत आठ सामन्यात भारताला फक्त दोनच सामन्यात विजय मिळवता आला होता. पण या दोन्ही विजयात स्मृती मानधना हिने मुख्य कामगिरी बजावली होती. दुसऱ्या एकदिवसीय सामन्यात तिने ८० धावांची खेळी केली होती. तर शेवटच्या टी २० सामन्यात तिने ४८ धावांची महत्त्वपूर्ण खेळी केली होती.
Vamika : वामिकाचा फोटो व्हायरल झाल्याने विराट कोहली नाराज, म्हणाला…
स्मृती मानधनाने ( Smriti Mandhana ) मागील वर्षी एकूण २२ आंतरराष्ट्रीय सामने खेळली. यामध्ये तिने ३८.३६ च्या सरासरीने ८५५ धावा केल्या. या खेळीत एक शतक तर पाच अर्धशतकांचा समावेश आहे. इंग्लड विरुद्ध ड्रॉ झालेल्या एकमेव कसोटी सामन्यात ती ७८ धावा केल्या होत्या. तसेच एकदिवसीय मालिकेत एकमेव विजय मिळवणाऱ्या भारताकडून स्मृतीने ४९ धावांची खेळी केली होती.
डे-नाईट कसोटी सामन्यात झळकावले शतक
ऑस्ट्रेलिया दौऱ्यावर असताना एकदिवसीय मालिकेतील दुसऱ्या सामन्यात तिने ८६ धावा केल्या होत्या. तर दिवस रात्र खेळवल्या गेलेल्या एकमात्र कसोटी सामन्यात स्मृतीने शतक झळकावून सामनावीराचा पुरस्कार पटकावला होता. ती एकमात्र अशी विदेशी खेळाडू आहे जीने तिन्ही प्रकारच्या क्रिकेट सामन्यात ऑस्ट्रेलियामध्ये शतक झळकावले आहे. भारताकडून खेळताना एकदिवसीय सामना व कसोटी सामन्यात तिने ऑस्ट्रेलियामध्ये शतक झळकावले आहे. तर ऑस्ट्रेलियातील बिग बॅश टी-२० स्पर्धेमध्ये तिचा सहभाग असतो. तेव्हा तीने बीग बॅश स्पर्धेतील टी २० सामन्यात तीने शतक झळकावले आहे.
आयसीसी अ‍ॅवॉर्ड 2021 ची संपूर्ण लिस्ट
- सर्वोत्तम महिला क्रिकेटपटू (राचेल हेयहो फ्लिटं ट्रॉफी) : स्मृती मानधना (भारत)
- सर्वोत्तम पुरुष क्रिकेटपटू (सर गार्फिल्ड सोबर्स ट्रॉफी): शाहिन आफ्रिदी
- कसोटीतील सर्वोत्तम पुरुष खेळाडू : जो रूट (इंग्लंड)
- वन-डेतील सर्वोत्तम पुरुष क्रिकेटपटू : बाबर आजम (पाकिस्तान)
- टी-20 तील सर्वोत्तम पुरुष खेळाडू : मोहम्मद रिझवान (पाकिस्तान)
- उदयोन्मुख पुरुष क्रिकेटपटू : जे. मलान (दक्षिण आफ्रिका)
- संलग्न देश सर्वोत्तम पुरुष खेळाडू : झिशान मक्सूद (ओमान)
- आयसीसी महिला टी-20 क्रिकेटपटू : टॅमी बीयूमौंट (इंग्लंड )
- उदयोन्मुख महिला क्रिकेटपटू : फातिमा सना (पाकिस्तान)
- संलग्न देश सर्वोत्तम महिला खेळाडू : अँड्रीया-मे जेपेडा (ऑस्ट्रिया)
- सर्वोत्तम अम्पायर : माराईस इरास्मस
A year to remember 🤩
Smriti Mandhana’s quality at the top of the order was on full display in 2021 🏏
More on her exploits 👉 https://t.co/QI8Blxf0O5 pic.twitter.com/3jRjuzIxiT
— ICC (@ICC) January 24, 2022