पुढारी ऑनलाईन डेस्क : विजय देवरकोंडा-मृणाल ठाकुरचा फॅमिली ड्रामा आणि रोमँटिक एंटरटेनर चित्रपट 'द फॅमिली स्टार' ५ एप्रिल रोजी जगभरात रिलीज झाला होता. या चित्रपटाला चित्रपटगृहातकून फारसा प्रतिसाद मिळाला नाही. आता हा चित्रपट हिंदीमधून चित्रपट ओटीटीवर रिलीज होणार आहे. जाणून क्या ओटीटीवर कधी पाहायला मिळणार 'द फॅमिली स्टार'.
'द फॅमिली स्टार' एक मध्यमवर्गीय पिरवाराची कहाणी आहे. चित्रपटात गोवर्धन (विजय देवरकोंडा) च्या भमिकेभोवती ही कहाणी फिरते. त्याच्यासाठी परिवारातील सदस्यांचा आनंद प्राधान्याने महत्त्वाचा आहे. पण, जेव्हा त्याच्या जीवनात मृणाल ठाकुरच्या भूमिकेची एन्ट्री होते, तेव्हा सर्व गोष्टी बदलतात.
परशुराम पेटला दिग्दर्शित 'द फॅमिली स्टार' मध्ये विजय देवरकोंडा आणि मृणाल ठाकुर यांची जोडी दिसली होती. दोघांची केमिस्ट्री फॅन्सच्या पसंतीस उतरली होती. पण बॉक्स ऑफिसवर हा चित्रपट फारसा कमाल दाखवू शकला नाही. आता घरी बसल्या हा चित्रपट ओटीटीवर हिंदीमध्ये पाहता येईल. चित्रपट निर्मात्यांनी२८ जून रोजी ओटीटी प्लॅटफॉर्म जियो सिनेमावर दाखवण्याचा निर्णय घेतला आहे. चित्रपट निर्मात्यांनी एका पोस्टरच्या माध्यमातून घोषणा केली आहे.
'द फॅमिली स्टार' मध्ये विजय देवरकोंडासोबत मृणाल ठाकुर, वासुकी, रोहिणी हट्टंगडी, वेनेला किशोर, जगपति बाबू, अच्युत कुमार, रवि बाबू, अजय घोष आणि दिव्यांशा यासारख्या कलाकारांनी महत्त्वाच्या भूमिका साकारल्या आहेत.
