Sona Mohapatra on Salman Khan: ‘तेरी सेक्सी ब्यूटी...’, सलमान खानच्या नव्या गाण्यावर सोना महापात्रा संतापली; जुन्या वादावरही केलं भाष्य

Sona Mohapatra Salman Khan Controversy: सलमान खानच्या आगामी ‘मातृभूमी’ चित्रपटातील ‘तेरी सेक्सी ब्यूटी’ या गाण्यावर गायिका सोना महापात्राने तीव्र नाराजी व्यक्त केली आहे.
Sona Mohapatra Salman Khan Controversy
Sona Mohapatra Salman Khan ControversyPudhari
Published on: 
Updated on: 

Sona Mohapatra Salman Khan Controversy: बॉलिवूड अभिनेता सलमान खानच्या आगामी ‘मातृभूमी’ चित्रपटातील नव्या गाण्यावरून वाद निर्माण झाला आहे. ‘तेरी सेक्सी ब्यूटी’ असे या गाण्याचे नाव असून, सलमानने स्वतः हे गाणे गायले आहे. मात्र, या गाण्याचे बोल प्रसिद्ध गायिका सोना महापात्राला खटकले आहेत. तिने सोशल मीडियावर व्हिडिओ शेअर करत सलमान खानवर जोरदार टीका केली आहे.

विशेष म्हणजे, ‘मातृभूमी’ हा चित्रपट सैनिकांच्या बलिदानावर आधारित आहे. अशा चित्रपटात दारू पिणे आणि विमानाप्रमाणे उडण्याच्या आशयाचे गाणे कसे काय असू शकते, असा सवाल सोनाने उपस्थित केला आहे. या निमित्ताने तिने सलमानसोबत झालेल्या जुन्या वादांचाही उल्लेख केला. तसेच, सलमानशी मतभेद झाल्यामुळे बॉलिवूडमधील आपली कारकीर्द संपली, याची आपल्याला अजिबात खंत नसल्याचेही तिने स्पष्ट केले.

‘सैनिकांच्या बलिदानावर चित्रपट आणि दोन पेगचे गाणे’

सोना महापात्राने इन्स्टाग्रामवर व्हिडिओ शेअर करत ‘तेरी सेक्सी ब्यूटी’ या गाण्याच्या आशयावर प्रश्न उपस्थित केले. तिने उपरोधिक शब्दांत सलमान खानवर निशाणा साधला.

सैनिकांच्या त्यागावर आधारित चित्रपटातून प्रेक्षकांना वेगळ्या प्रकारची अपेक्षा असते. मात्र, अशा चित्रपटातील गाण्याचे बोल नेमके काय सांगतात, असा प्रश्नही तिच्या टीकेतून समोर आला.

यावेळी सोनाने आणखी एक महत्त्वाचा मुद्दा मांडला. सलमान खानशी वाद घातल्यामुळे आपली बॉलिवूडमधील कारकीर्द संपली, असे अनेक जण तिला सांगत असल्याचे तिने म्हटले. यावर तिने उपरोधिकपणे विचारले की, लोक ज्या बॉलिवूडमधील कारकीर्दीबद्दल बोलतात, तीच का तिने गमावली आहे? तसेच, आज कोणाच्या कारकीर्दीला सहानुभूतीची गरज आहे, असा टोलाही तिने लगावला.

‘बॉलिवूडचे शाही दरबार...’

सोना महापात्राने केवळ व्हिडिओतूनच नव्हे, तर त्याच्या कॅप्शनमधूनही सलमान खानवर टीका केली. तिने लिहिले, “ज्या बॉलिवूड कारकीर्दीला गमावल्याचा मला पश्चात्ताप व्हायला हवा होता. सलमान खान, तुम्ही पुन्हा एकदा स्वतःलाच मागे टाकले आहे.”

पुढे तिने आपल्या कामाबद्दलही भाष्य केले. बॉलिवूडमध्ये पार्श्वगायनाच्या संधी मिळवण्यासाठी अनेक जण धडपडत असताना आपण स्वतःचे संगीत तयार करण्यात आणि स्वतंत्र कार्यक्रम करण्यावर भर दिला, असे तिने सांगितले.

Sona Mohapatra Salman Khan Controversy
Ramayana Film Artists: 3. ‘रणबीर कपूरच्या 'रामायण'मध्ये किती मुस्लिम कलाकारांनी केलं काम? अभिनयापासून संगीतापर्यंत महत्त्वाची जबाबदारी

एखाद्या प्रभावशाली व्यक्तीच्या मर्जीवर अवलंबून राहण्यापेक्षा स्वतःची वेगळी ओळख निर्माण करणे तिला अधिक महत्त्वाचे वाटते. बॉलिवूडमधील मोठ्या कलाकारांच्या प्रभावाखाली चालणाऱ्या व्यवस्थेवर टीका करताना सोनाने या व्यवस्थेला ‘शाही दरबार’ असे संबोधले. हे दरबार कधीच वेळ देण्यासारखे वाटले नाहीत, असेही तिने स्पष्ट केले.

२०१६ मधील ‘सुलतान’ वादाची पुन्हा चर्चा

सलमान खान आणि सोना महापात्रा यांच्यातील वाद नवा नाही. २०१६ मध्ये ‘सुलतान’ चित्रपटाच्या चित्रीकरणानंतर सलमानने आपल्या शारीरिक थकव्याची तुलना बलात्कार पीडित महिलेसोबत केली होती. त्याच्या या विधानावर सोनाने तीव्र आक्षेप घेतला होता.

या टीकेनंतर सोनाला आणि तिच्या आईला सोशल मीडियावर बलात्काराच्या धमक्या देण्यात आल्या होत्या. इतकेच नव्हे, तर तिचे अश्लील फोटो व्हायरल करण्यात आले होते. या प्रकरणी पोलिसांत तक्रार दाखल करण्यात आली होती. तत्कालीन महिला आणि बालविकास मंत्री मेनका गांधी यांच्या मंत्रालयालाही या प्रकरणात हस्तक्षेप करावा लागला होता.

Sona Mohapatra Salman Khan Controversy
Ramayana Movie Controversy: ‘रामायण’ चित्रपट अडचणीत! रावण आणि राम-लक्ष्मणांच्या चित्रणावरून हिंदू संघटनांचा संताप; बहिष्काराची मागणी

प्रियंका चोप्राची बाजू घेत सलमानवर केली होती टीका

२०१९ मध्येही सोना महापात्राने सलमान खानच्या विधानांवर आक्षेप घेतला होता. ‘भारत’ चित्रपटातून बाहेर पडलेल्या अभिनेत्री प्रियंका चोप्राची सलमानने वारंवार खिल्ली उडवली होती. यावर सोनाने नाराजी व्यक्त केली होती.

तिने सलमानच्या वागण्याला ‘बुलीइंग’ म्हटले होते. तसेच, सलमानच्या वागण्यामागील ‘सेव्हियर कॉम्प्लेक्स’वरही तिने प्रश्न उपस्थित केले होते.

आता ‘मातृभूमी’ चित्रपटातील गाण्यावरून पुन्हा एकदा सोना महापात्रा आणि सलमान खान यांच्यातील जुना वाद चर्चेत आला आहे. सोनाच्या टीकेमुळे सोशल मीडियावरही या गाण्याच्या आशयावरून चर्चा सुरू झाली आहे.

लोकल ते ग्लोबल बातम्यांसाठी डाऊनलोड करा दैनिक पुढारीचे Android आणि iOS मोबाईल App.

'Pudhari' is excited to announce the relaunch of its Android and iOS apps. Stay updated with the latest news at your fingertips.

Android and iOS Download now and stay updated, anytime, anywhere.