‘महाराष्ट्र शाहीर’ सिनेमाचा वर्ल्ड टेलिव्हिजन प्रीमियर

महाराष्ट्र शाहीर

पुढारी ऑनलाईन डेस्क : रविवार १८ फेब्रुवारीला दुपारी १ वाजता आणि रात्री ९ वाजता प्रवाह पिक्चरवर 'महाराष्ट्र शाहीर' सिनेमाचा वर्ल्ड टेलिव्हिजन प्रीमियर पाहता येणार आहे. सुपरस्टार अंकुश चौधरी यांनी या सिनेमात शाहीर साबळेंची भूमिका साकारली आहे. अंकुश चौधरी म्हणाला, 'या सिनेमाच्या निमित्ताने मी पहिल्यांदाच चरित्रपटात काम केलं आहे. माझ्या कारकिर्दीमध्ये शाहीर साबळेंचा मोलाचा वाटा आहे. आपल्या आयुष्यातल्या अत्यंत महत्त्वाच्या व्यक्तिवर सिनेमा बनणं आणि त्या सिनेमात आपल्यालाच त्या व्यक्तीची भूमिका साकारायला मिळणं, यापेक्षा मोठी गोष्ट काय असू शकते. अशा या थोर कलावंताच्या आयुष्यावर बेतलेला महाराष्ट्र शाहीर हा सिनेमा घरबसल्या प्रवाह पिक्चरवर पाहता येणार आहे याचा मनापासून आनंद आहे.'

महाराष्ट्र शाहीर सिनेमाच्या दिग्दर्शनाची धुरा शाहीर साबळे यांचे नातू आणि मराठी मनोरंजनसृष्टीतील लोकप्रिय दिग्दर्शक केदार शिंदे यांनी सांभाळली आहे. तर केदार शिंदे यांची लेक सना शिंदेने शाहीर साबळे यांच्या पहिल्या पत्नी भानुमती यांची भूमिका साकारली आहे. यासोबतच निर्मिती सावंत, मृण्मयी देशपांडे, अश्विनी महांगडे, अमित डोलावत, शुभांगी सदावर्ते, अतुल काळे आणि दुष्यंत वाघ असे कलाकार सिनेमात आहेत.

मृण्मयी देशपांडे