‘महाराष्ट्राची हास्यजत्रा’ : हास्यजत्रेच्या मंचावर अजयसाठी अतुलकडून सरप्राईज

अजय-अतुल या जोडीने अवघ्या महाराष्ट्राला आपल्या संगीतानी वेड लावलं. पण अजय-अतुल यांना भुरळ घातली ती 'महाराष्ट्राची हास्यजत्रा' या कार्यक्रमाने. 'महाराष्ट्राची हास्यजत्रा' घराघरांत अगदी आवडीने पहिली जाते. त्याचप्रमाणे अजय-अतुल हेसुद्धा हा कार्यक्रम न चुकता पाहतात.

• Swarda Thigale : ताराराणी यांची भूमिका साकारणार्‍या स्वरदाबद्दल हे माहित आहे का?

'इंडियन आयडल मराठी' या सोनी मराठी वाहिनीवर २२ नोव्हेंबरपासून सुरू होणाऱ्या कार्यक्रमात अजय-अतुल ही जोडी परीक्षकांच्या भूमिकेत दिसणार आहे. त्यानिमित्ताने अजय-अतुल यांनी हास्यजत्रेच्या मंचावर हजेरी लावली. 'इंडियन आयडल मराठी' या कार्यक्रमामध्ये परीक्षक होण्याचं आम्ही यासाठी ठरवलं की, त्यानिमित्ताने आम्हांला हास्यजत्रेच्या मंचावर जाता येईल. असंही ते या वेळी गंमतीने म्हणाले.

• 'रॉयल' हनीमून तेही फक्त ४५ मिनिटात ! लग्नाळूंना विमान कंपनीकडून स्पेशल 'ऑफर'

अजय-अतुल ही जोडी हास्यजत्रेत आली असताना एक दुग्धशर्करा योग जुळून आला. तो म्हणजे अतुल गोगावले यांनी हास्यजत्रेच्या मंचावर एका स्कीटचं सादरीकरण केलं. अजयसाठी हे सरप्राईज होतं. त्याला यातलं काहीच माहित नव्हतं. आपल्या भावाला मंचावर पाहून अजयला आश्चर्यमिश्रित आनंद झाला.

• पत्‍नीच्‍या छळप्रकरणी अभिनेता अनिकेत विश्वासराव याच्‍यावर गुन्‍हा दाखल

आम्हाला हसवणाऱ्या आणि आमचं लॉकडाऊन सुसह्य करणाऱ्या हास्यजत्रेला आपल्या परीने काहीतरी द्यावं म्हणून एखाद्या स्कीटमध्ये सहभागी व्हावं, असं वाटल्याचं अतुल म्हणाला.

संगीतकार जेव्हा विनोदी भूमिका करतो, तेव्हा नक्की काय होतं, हे जाणून घेण्यासाठी या आठवड्यात 'महाराष्ट्राची हास्यजत्रा' नक्की पाहा. पाहा, सोम.-गुरु. रात्री ९ वा. सोनी मराठी वाहिनीवर.

• पहाटे उठणारी माणसं श्रीमंत होतात का?
• Weather update : पुढील तीन दिवस राज्यात जोरदार पाऊस; हवामान खात्याचा अंदाज
• पुणे म्हाडा अंतर्गत ४२२२ घरांसाठी ऑनलाईन अर्ज स्वीकृतीचा शुभारंभ