Allu Arjun National Award : पुरस्कारानंतर अल्लू अर्जुनच्या पत्नीने असं काही केलं की...
पुढारी ऑनलाईन डेस्क : साऊथ स्टार अल्लू अर्जुनला ( Allu Arjun National Award ) ६९ वा राष्ट्रीय चित्रपट पुरस्कार सोहळ्यात सर्वोत्कृष्ट अभिनेत्याचा पुरस्कार मिळाला. हा पुरस्कार त्याला ‘पुष्पा’ या ब्लॉकबस्टर चित्रपटातील उत्कृष्ट अभिनयासाठी प्रदान करण्यात आला आहे. नवी दिल्लीतील विज्ञान भवनात राष्ट्रपती द्रौपदी मुर्मू यांच्या हस्ते हा पुरस्कार देण्यात आला. दरम्यान, या खास प्रसंगी अल्लू अर्जुनची पत्नी स्नेहा रेड्डीने सोशल मीडियावर त्याचे भरभरून कौतुक करताना एक पोस्ट शेअर केली आहे. या पोस्टवर चाहत्यांनी कौतुकाचा वर्षाव केलाय.
संबधित बातम्या
- KBC : श्रीदेवची कहाणी ऐकून अमिताभ बच्चन यांनाही गलबलून आले
- Alia Bhatt National Award : पुरस्कारावेळी आलियाने लग्नाची साडी नेसली; खास कारण समोर
- महेश मांजरेकरांचा ‘सर्व लाईन व्यस्त आहेत’ चित्रपटाचा वर्ल्ड डिजिटल प्रीमियर
अभिनेता अल्लू अर्जुनची पत्नी स्नेहा रेड्डीने तिच्या इंन्टाग्रावर पुरस्कार सोहळ्याला जाण्यापूर्वीचे काही फोटो शेअर केले आहेत. शेअर केलेल्या पहिल्या फोटोत स्नेहा अल्लू अर्जुनला कार्यक्रमासाठी तयार होण्यास मदत करताना दिसत आहे, तर दुस-या फोटोत ते दोघेजण एकमेंकाचे हात धरून सोहळ्याकडे जाताना दिसत आहेत. दरम्यान या फोटोत रूममधील साहित्य आणि बाजूला काही रूमचे बंद दरवाजे दिसत आहेत. या खास सोहळ्यासाठी अल्लूने व्हाईट रंगाचा एथनिक सूट आणि स्नेहाने ब्राऊन गोल्डन रंगाचा सलवार परिधान केला होता. यावेळी दोघेजण खूपच ग्लॅमरस दिसत होते.
अल्लूचे कौतुक करताना स्नेहाने या फोटोच्या कॅप्शनमध्ये लिहिलंय की, ‘एक खास दिवस, एक संस्मरणीय आठवण! तुमच्या कामाप्रती तुमची बांधिलकी पाहून मला नेहमीच आनंद झाला आहे…’. या पोस्टवरून असे समजते की, स्नेहाला अल्लू अर्जूनच्या यशस्वी वाटचालीसाठी आनंद झाला आहे. ही पोस्ट सोशल मीडियावर व्हायरल होताच चाहत्यांसह अनेक स्टार्संनी अल्लू अर्जूनवर भरभरून कौतुकाचा वर्षाव केला आहे.
वर्कफ्रंटबद्दल बोलायचे झाल्यास अल्लू अर्जुन आगामी ‘पुष्पा : द राइज’ च्या सिक्वेलमध्ये दिसणार आहे. सुकुमार यांच्या दिग्दर्शनाखाली बनणारा ‘पुष्पा २’ हा चित्रपट ऑगस्ट २०२४ मध्ये प्रदर्शित होणार आहे. ( Allu Arjun National Award )
हेही वाचा :
- Allu Arjun Wax Statue : दुबईच्या म्युझियममध्ये उभारणार अल्लू अर्जुनचा वॅक्स स्टेच्यू
- Allu Arjun : नव्या वर्षात पुष्पाच्या पत्नीचा जलवा, तिच्या स्वॅगपुढे सर्वच फेल
- Allu Arjun Pushpa 2 : अल्लू अर्जुनचा ‘पुष्पा २’ होणार या दिवशी रिलिज; जाणून घ्या चित्रपटाविषयी सर्वकाही
Instagram पर यह पोस्ट देखें