Pathaan Controversy : पठाणच्या वादानंतर शाहरुख म्हणाला,”अभी पिक्चर…”

पुढारी ऑनलाईन डेस्क :  अभिनेता शाहरुख खान याने त्‍याचा  आगामी चित्रपट 'पठाण', त्याचे कुटुंब, फिफा विश्वचषकातील त्याचा आवडता संघ आणि इतर अनेक गोष्टींबद्दल चाहत्यांशी संवाद साधला. त्यानंतर शाहरुख खानने चाहत्यांचे प्रेम आणि वेळ दिल्याबद्दल आभार मानले. शाहरुखने ट्विट केले आहे की, "आता माझी टीम मला कामावर बोलावत आहे. तुमच्या सर्वांशी दुसऱ्या दिवशी बोलेल. ज्यांचाशी संवाद राहिला आहे  त्यांनी कृपया वाईट वाटू नका…"अभी पिक्चर बाकी है…".  तुमचं प्रेम आणि तुमचा वेळ याबदद्ल धन्यवाद. भेटूया लवकरच थिएटरमध्ये" (Pathaan Controversy )

पठाण चित्रपटातील एक गाणं वादाच्या भोवऱ्यात आहे. अभिनेत्री दीपिका पदुकोणने गाण्यात भगव्या रंगाचे कपडे परिधान केल्याबद्दल राजकीय पक्षांच्या काही नेत्यांनी आक्षेप घेतला आहे. त्‍यामुळे पुढील महिन्यात प्रदर्शित होणारा 'पठाण' चित्रपट वादात सापडला आहे. 'पठाण'मधील 'बेशरम रंग' हे पहिले गाणे या आठवड्याच्या सुरुवातीला रिलीज झाल्यापासून चर्चेत आहे. या गाण्यात शाहरुख आणि दीपिका पदुकोण आहेत. 'पठाण' लक्ष्य करणाऱ्यांमध्ये भाजपचे मध्य प्रदेशचे गृहमंत्री नरोत्तम मिश्रा आहेत, त्‍यांनी म्‍हटलं आहे की, चित्रपटातील एका गाण्यात "भ्रष्ट मानसिकता" दिसून आली आणि राज्यात त्याचे रिलीज रोखण्याची धमकी दिली. यागाण्यासह दीपिका आणि शाहरुख खानला ट्रोल केलं जात आहे.

शाहरुखचा चर्चेत असलेला पठाण हा चित्रपट नव्या वर्षात येत्या २५ जानेवारीला  प्रदर्शित होणार आहे. या चित्रपटात मुख्य भुमिकेत शाहरुख आणि दीपिका आहे. त्याचबरोबर जॉन इब्राहिम देखील महत्त्वाच्या भूमिकेत दिसणार आहे. या चित्रपटातील नुकताच प्रदर्शित झालेले 'बेशरम रंग' हे गाणे सध्या वादात आहे. या गाण्यातील दिपीकाने घातलेली बिकनीचा रंगावरुन वाद सुरु आहे.चाहत्यांमध्ये चित्रपटाबाबत उत्सुकता पाहायला मिळते. शाहरुख खानकडे सध्या अनेक चित्रपट आहेत. 'पठाण' व्यतिरिक्त, तो तापसी पन्नू, राजकुमार हिरानीच्या 'डंकी'मध्येही काम करणार आहे. तर  नयनतारा आणि विजय सेतुपती यांच्यासोबत 'जवान'मध्येही तो दिसणार आहे.