बिग बॉस मराठीच्या घरात अमृता फडणवीस यांची एन्ट्री
पुढारी ऑनलाईन डेस्क : बिग बॉस मराठीच्या घरामध्ये भाग्य दिले तू मला मालिकेतील कावेरी – राजवर्धन म्हणजेच तन्वी मुंडले आणि विवेक सांगळे यांनी काल हजेरी लावली. त्यांच्या उपस्थितीत बिग बॉस यांनी सदस्यांवर साप्ताहिक कार्य सोपवले. साप्ताहिक कार्यातील पहिले उपकार्य काल पार पडले आणि त्याची विजेती ठरली TEAM A. बिग बॉस मराठीच्या घरामध्ये दिवाळीचा सण मोठ्या उत्साहात साजरा होतो आहे तर त्यानिमित्ताने हा उत्साह द्विगुणित करायला आज घरामध्ये येणार आहेत गायिका अमृता फडणवीस.
आज घरामध्ये अमृता फडणवीस यांच्या साथीने सदस्य साजरा करणार दिवाळी सण. बिग बॉस यांनी जाहीर केले, आज घरात येणार आहे एक हरहुन्नरी व्यक्तिमत्व अमृता फडणवीस. त्यांच्यासमोर साप्ताहिक कार्य तर रंगलेच पण, किरण माने आणि यशश्री यांनी अमृता जींना काही प्रश्न देखील विचारले. यशश्रीने विचारले देवेंद्रजींचा फराळातला आवडता पदार्थ कुठला? अमृताजी म्हणाल्या त्यांना पोहे खूप आवडतात. त्यांना मोदक आवडतात, करंजी आवडते.
किरण माने यांनी विचारले, तुम्हाला माहितीच असेल बिग बॉस मराठीच्या घरामध्ये कॅप्टनपद खूप महत्वाच असते, पण मला तुम्हांला विचारायचे आहे बिग बॉसच्या बाहेर महाराष्ट्र आहे त्याचा कॅप्टन कोण आहे? अमृताजी म्हणाल्या, मी तुम्हाला दोन नावं सांगते जे महाराष्ट्राचे कॅप्टन आहेत एक प्रॅक्टिकल आणि एक इमोशनल कॅप्टन. श्री. एकनाथराव शिंदेजी एक कॅप्टन आहेत आणि एक देवेंद्र फडणवीसजी आहेत.